සැබෑ පොලිස් ඇඳුමින් සැරසී පැමිණි තිදෙනෙකුගෙන් යුත් කල්ලියක් කල්පිටිය, නොරොච්චෝලේ ප්‍රදේශයේ කොල්ලකෑමක් සිදුකර තිබේ.

ප්‍රදේශවාසීන් කම්පනයට පත්කළ මෙම සිදුවීමත් සමග බලධාරීන්ගේ දැඩි අවධානයද යොමුව තිබිණි.

පොලිස් වාර්තාවලට අනුව අපරාධකරුවන් රුපියල් රුපියල් මිලියන 8ක මුදල් සහ පවුම් 40ක් පමණ බර රන් භාණ්ඩ පැහැරගෙන ගොස් ඇත.

වාලම්පුරි නමින් හැඳින්වෙන වටිනා යැයි සැළකෙන භාණ්ඩයක් සෙවීමේ මුවාවෙන් අපරාධකරුවන් තම නිවසට ඇතුළු වූ බව කොල්ලකෑමට ලක්වූ නිවෙසේ පදිංචිකරුවන් ප්‍රකාශ කර ඇත.

නිවසට ඇතුළු වූ පසු, වංචනිකයන් විසින් ගෘහ මූලිකයාගේ අත් සහ කකුල් බැඳ, බරපතළ හානි කරන බවට තර්ජනය කර අනෙකුත් නිවැසියන් භීතියට පත්කර ඇත.

සැකකරුවන් අත්අඩංගුවට ගැනීමට සහ සොරකම් කළ වත්කම් සොයා ගැනීමට විමර්ශන සිදුවෙමින් පවතියි.