විදුලි පහන් කණු ක්‍රියාවිරහිත වීම නිසා කටුනායක අධිවේගී මාර්ග සැලකිවයුතු කොටසක් ඊයේ පස්වරුවේ අඳුරේ ගිලී ඇත.

විදුලි රැහැන් කැපීම හේතුවෙන් අධිවේගී මාර්ගයේ වීදි ලාම්පු ක්‍රියාවිරහිත වන බවත්, භූගත කේබල් සොරකම් කර ඇති බවත් මාර්ගයට අනුයුක්ත නිලධාරීහු පවසති.

අධිවේගී මාර්ගයේ විදුලි රැහැන් සොරකම් කළ පළමු අවස්ථාව මෙය නොවේ.

පසුගිය ජනවාරි මාසයේදී කටුනායක අධිවේගී මාර්ගයේ අධි බලැති විදුලි රැහැන් ගලවා දැමීමෙන් රුපියල් මිලියන 286ක පාඩුවක් සිදුවිය.

එලෙසම පසුගිය වසරේ ජනවාරි මාසයේදී වෙඩිකන්ද ප්‍රදේශයේ විදුලි පහන් කණු හතරක තිබූ රුපියල් ලක්ෂ 24ක් වටිනා වයර් සොරකම් කර තිබේ.