April 3, 2024
ගෘහස්ථ ප්රචණ්ඩත්වය වැළැක්වීමේ පනතට සංශෝධන ගෙන ඒමට සහ කාන්තා සවිබල ගැන්වීම පිළිබඳ නව පනත් කෙටුම්පතක් සඳහා කැබිනට් අනුමැතිය හිමිව තිබේ.
ශ්රී ලංකාවේ කාන්තාවන් සවිබල ගැන්වීමේ සහ ගෘහස්ථ හිංසනයට එරෙහිව සටන් කිරීමේ මෙම ප්රගතිය ප්රකාශයට පත් කරමින් කාන්තා හා ළමා කටයුතු රාජ්ය ඇමැති ගීතා කුමාරසිංහ සඳහන් කළේ ජාතික කාන්තා කොමිෂන් සභාව පිහිටුවීමට පනත් කෙටුම්පතක් දැනටමත් ගැසට් කර පාර්ලිමේන්තුවට ඉදිරිපත් කිරීමට සැලසුම් කර ඇති බවයි.
ලෝක බැංකුව ඇතුළු විවිධ පාර්ශ්වකරුවන්ගේ අදහස් සැළකිල්ලට ගනිමින් එම පනත් කෙටුම්පත සාකච්ඡා කිරීමට පාර්ලිමේන්තු මන්ත්රීවරියන්ගේ බල මණ්ඩලය ද රැස්වී තිබේ.
සැළකිව යුතු කරුණක් නම්, අතවරයට ලක් වූ කාන්තාවන් වෙනුවෙන් නඩු පැවරීමට සමීප මිතුරන්ට අවසර දීම මෙම ප්රතිපාදනවලට ඇතුළත් වීමය.
ඒ අනුව වින්දිතයන් සඳහා තාවකාලික රැඳවුම් මධ්යස්ථාන දිස්ත්රික්ක කිහිපයක් පුරා පිහිටුවා ඇත.
තවද, ස්ත්රී පුරුෂ සමාජභාවය මත පදනම් වූ ප්රචණ්ඩත්වය ආමන්ත්රණය කිරීම සඳහා පුළුල් ප්රවේශයක් සනිටුහන් කරමින් කාන්තා රැකවරණ නිවාස කළමනාකරණය සඳහා වන ජාතික මාර්ගෝපදේශ පිළිබඳ පනත් කෙටුම්පතට ද කැබිනට් මණ්ඩල අනුමැතිය හිමිවී ඇත.
