සුනඛයන්, බළලුන් ඇතුළු සතුන්ට දැඩි ලෙස බලපාන අධි උණුසුම් කාලගුණය හේතුවෙන් ජලභීතිකා රෝගය ව්‍යාප්තවීමේ අවදානමක් පිළිබඳ පශු වෛද්‍ය නිලධාරීන්ගේ සංගමය අනතුරු අඟවා තිබේ.

එම සංගමයේ සභාපති වෛද්‍ය සිසිර පියසිරි පවසන්නේ, කෘෂිකර්මාන්තයේ යොදවන සතුන්ට, පශු සම්පත් සතුන්ට සහ සුරතල් සතුන්ට ඇතිවන සංකූලතා පිළිබඳ ජනතාව අවධානයෙන් සිටිය යුතු බවයි.

කිකිළියන් සහ ගවයන් උෂ්ණත්වයට නිරාවරණය වුවහොත් දෛනික බිත්තර සහ කිරි නිෂ්පාදනය පහත වැටිය හැකි බව ඔහු පැවසීය.

වෛද්‍ය පියසිරි අවධාරණය කර ඇත්තේ, සුරතල් සතුන්ට සහ පශු සම්පත් ගොවිපළවල සිටින සතුන්ට නිතිපතා ජලය සැපයිය යුතු බවයි.