සෞදි නාවික හමුදා මාණ්ඩලික ප්‍රධානී අද්මිරාල් ෆහාඩ් අබ්දුල්ලා එස් අල්-ගොෆයිලි (Admiral Fahad Abdullah S Al-Ghofaily) ඉන්දීය නාවික හමුදාවේ නාවික මාණ්ඩලික ප්‍රධානී අද්මිරාල් ආර් හරි කුමාර් (R Hari Kumar) නවදිල්ලියේ දී හමුවී සහයෝගීතා යාන්ත්‍රණ සහ තවදුරටත් ශක්තිමත් කිරීම සඳහා වන ක්‍රියාමාර්ග පිළිබඳව සාකච්ඡා කළ බව වාර්තා වේ.

ඒ අනුව, අද්මිරාල් අල්-ගොෆයිලි ජනවාරි 10-13 දක්වා ඉන්දියාවේ සිව්දින නිල සංචාරයක නිරත වී තිබේ.

Al-Ghofaily ගේ සංචාරය සෞදි අරාබියේ සහ ඉන්දියාවේ නාවික හමුදා අතර දිගුකාලීන සබඳතාවයට සාක්ෂියකි.

රාජකීය සෞදි නාවික හමුදාවේ මාණ්ඩලික ප්‍රධානියාගේ සංචාරය නාවික හමුදා දෙක අතර නාවික සහයෝගීතාව ඉහළ නැංවීම අරමුණු වී ඇත.

සංචාරය අතරතුර අද්මිරාල්වරයා කොචි හි දක්ෂිණ නාවික විධානය නැරඹූ බවද ජනමාධ්‍ය වාර්තා කරයි.