දිනකට මිලියන 10 ක පාඩුවක් ලබමින් සිටින ලංකා ගමනාගමන මණ්ඩලයේ බස් රථ සඳහා සඳහා ඉලෙක්ට්‍රොනික කාඩ්පතක් හෝ QR කේතයක් සහිත ගෙවීම් පද්ධතියක් හඳුන්වා දීමට ප්‍රවාහන අමාත්‍යාංශය සැලසුම් කරමින් සිටී.

මගීන්ට ප්‍රවේශපත්‍ර සඳහා මුදල් ගෙවීම සඳහා විද්‍යුත් කාඩ්පතක් හෝ QR කේත පද්ධතියක් හඳුන්වාදීමට ප්‍රවාහන අමාත්‍යාංශය කටයුතු කරමින් සිටින බව ප්‍රවාහන ඇමැති බන්දුල ගුණවර්ධන පාර්ලිමේන්තුවට ඊයේ (ජනවාරි 11) දැනුම් දුන්නේය.

ව්‍යාපෘතිය මේ වන විට එහි අවසන් අදියරේ පවතින බව ප්‍රකාශ කළ ඇමැතිවරයා, නව මාර්ගගත ගෙවීම් ක්‍රමය ශ්‍රී ලංකා ගමනාගමන මණ්ඩලය (ශ්‍රී ලංගම) විසින් සැලසුම් කරමින් සිටින බව පැවැසීය.

සමහර බස් රියදුරන් සහ කොන්දොස්තරවරුන් විසින් දවසේ මුළු ඉපැයීම් අදාළ ඩිපෝ වෙත ආපසු ලබා නොදෙන බවත්, මෙමගින් එක් ඩිපෝවක් දිනකට රුපියල් ලක්ෂයක පමණ පාඩුවක් සිදුවන බවත් ඇමැතිවරයා අනාවරණය කළේය.

තවත් මාස දෙකකින් පමණ ඉලෙක්ට්‍රොනික කාඩ්පතක් හෝ QR කේතයක් සහිත ගෙවීම් ක්‍රමයක් හඳුන්වා දෙන බව ඇමැති ගුණවර්ධන වැඩිදුරටත් පැවැසීය.

මෙම මුලපිරීම 2024 වසරේ ක්‍රියාත්මක කිරීමට නියමිත ශ්‍රී ලංගම සඳහා 2023 නොවැම්බර් මාසයේදී ප්‍රකාශයට පත්කරන ලද රජයේ ඩිජිටල්කරණ වැඩසටහනේ කොටසකි.