පොලිස් නිලධාරීන්ගේ අත් පා සපා කා තුවාල සිදු කළ කාන්තාවක් සොයා කහටගස්දිගිලිය පොලිසිය විමර්ශන ආරම්භ කර තිබේ.

කහටගස්දිගිලිය පොලීසියේ නිලධාරීන් විසින් අපරාධයකට සම්බන්ධ සැකකරුවකු ඕලන්ද රෙපරමාදු පල්ලිය ඉදිරිපිටදී අත්අඩංගුවට ගැනීමට යෑමේදී, එම සැකකරු අත්අඩංගුවෙන් මුදවාගැනීමේ අදහසින් එම ස්ථානයේ සිටි කාන්තාවක් මෙලෙස පොලිස් නිලධාරීන් සපා කා ඇති බව වාර්තා වේ.

අදාළ කාන්තාවගේ සපාකෑමට ලක්වූ පොලිස් නිලධාරීන් කහටගස්දිගිලිය රෝහලෙන් ප්‍රතිකාර ලබාගෙන ඇති අතර, අපරාධයට සම්බන්ධ සැකකරු ද අත්අඩංගුවට ගත් බව පොලිසිය සඳහන් කරයි.