September 1, 2023
2019 පාස්කු ඉරිදා ප්‍රහාරයට සම්බන්ධ ත්‍රස්තවාදී සංවිධානයට ප්‍රහාරය එල්ල කිරීම සඳහා අවශ්‍ය සහාය ලබාදුන් පිරිසක් පිළිබඳ තොරතුරු අනාවරණය වී ඇති බව කොළඹ අගරදගුරු මැල්කම් කාදිනල් රන්ජිත් හිමියෝ අනාවරණය කළහ.
ප්‍රකාශ කළේ පාස්කු ඉරිදා ත්‍රස්ත ප්‍රහාරය පිටුපස ‘අබු හින්ද්’ නමැති පුද්ගලයකු හෝ කණ්ඩායමක් සිටින බවට තොරතුරු ලැබී ඇති බවයි.
‘අබු හින්ද්’ පිළිබඳ සාක්ෂි අනාවරණය වූ විට ජනාධිපති කොමිසමේ විනිසුරුවරුන් පස්දෙනාගෙන් එක් අයකු එම නම සම්බන්ධයෙන් සාක්ෂිකරුගෙන් ප්‍රශ්න කළ බවද උන්වහන්සේ සඳහන් කළහ.
මේ සම්බන්ධයෙන් පරීක්ෂණයක් ආරම්භ කර තිබේදැයි ප්‍රශ්න කළ අගරදගුරු හිමිපාණන්, වැඩිදුරටත් සඳහන් කළේ, තම කණ්ඩායම මේ සම්බන්ධයෙන් තොරතුරු සෙවීමට අදහස් කරන බැවින් මෙම ලිපි ලේඛන පසුපස හඹායන බවයි.
මැල්කම් කාදිනල් රංජිත් හිමිපාණන් ජනාධිපති කොමිෂන් සභා වාර්තාවල අතුරුදන් වූ ඇතැම් තැන් පිළිබඳව ද අවධානය යොමුකර තිබේ.
