රාජ්‍ය බුද්ධි අංශයේ හිටපු ප්‍රධානි සුරේෂ් සලේ සහ පාස්කු ඉරිදා ප්‍රහාරය සම්බන්ධයෙන් ප්‍රකාශ ලබා දී ඇති අසාද් මවු­ලානා අහු­න්ගල්ලේ පිහිටි හෝට­ල­යක නවා­තැන් සඳහා කාමර වෙන් කරවා ගැනීමට අදාළ තොර­තුරු අප­රාධ පරී­ක්ෂණ දෙපා­ර්ත­මේ­න්තු­වට ලබා­දෙන ලෙස කොළඹ, කොටුව මහේ­ස්ත්‍රාත් පසන් අම­ර­සේන හෝට­ලයේ කළ­ම­නා­කා­රි­ත්ව­යට නියෝග කළේය.

මේ වාර්තා ලබා­ගැ­නීම සඳහා අදාළ හෝට­ල­යට නියෝ­ග­යක් නිකුත් කරන ලෙස අප­රාධ පරී­ක්ෂණ දෙපා­ර්ත­මේ­න්තුව කළ ඉල්ලී­මක් සලකා බැලී­මෙන් පසු ඔහු මේ නියෝ­ගය නිකුත් කළේය. 2020 අගෝස්තු 15, 16 යන දෙදින අහුන්­ගල්ලේ පිහිටි ‘රියූ’ නම් හෝට­ල­යේදී සුරේෂ් සලේ සහ තමා හමු වූ බව දැනට විදේ­ශ­ග­තව සිටින පිල්ලෙ­යාන්ගේ ලේක­ම්ව­ර­යකු වූ අසාද් මවු­ලානා අප­රාධ පරී­ක්ෂණ දෙපා­ර්ත­මේ­න්තු­වට ප්‍රකා­ශ­යක් දෙමින් සඳ­හන් කර තිබිණි.

එවැනි හමු­වක් සිදු නොවූ බව සුරේෂ් සලේ තරයේ ප්‍රකාශ කර තිබු­ණත්, වෙනත් සාක්ෂි මඟින් අප­රාධ පරී­ක්ෂණ දෙපා­ර්ත­මේ­න්තුව තහ­වුරු කර­ගෙන තිබුණේ අදාළ දින­වල එවැනි හමු­වක් සිදු වී ඇති බවයි. අදාළ කරුණු තව­දු­ර­ටත් සනාථ කර­ගැ­නීම සඳ­හාත්, ඊට අදාළ විම­ර්ශන ඉදි­රි­යට පව­ත්වා­ගෙන යෑම සඳ­හාත් මේ තොර­තුරු අවශ්‍ය වී ඇතැයි එම දෙපා­ර්ත­මේ­න්තුව අධි­ක­ර­ණ­යට දැනුම් දුන්නේය.

මේ අතර පාස්කු ඉරිදා ත්‍රස්ත ප්‍රහා­ර­යට සුරේෂ් සලේ ඇතුළු තිදෙ­නකු සම්බන්ධ වී ඇති බවත්, ඒ පිළි­බඳ දැනු­ව­ත්භා­ව­යෙන් සිට ඇති බවත් අප­රාධ පරී­ක්ෂණ දෙපා­ර්ත­මේ­න්තුව පසු­ගිය 4 දා අධි­ක­ර­ණය ඉදි­රියේ සඳ­හන් කළේය. සුරේෂ් සලේ අත්අ­ඩං­ගු­වට ගැනී­මෙන් පසු සිදු කළ විම­ර්ශ­න­ව­ලදී මෙන්ම හිටපු පොලි­ස්පති සී.ඩී. වික්‍ර­ම­රත්න, නියෝජ්‍ය පොලි­ස්ප­ති­ව­රුන් වන ප්‍රසාද් රණ­සිංහ සහ නිශාන්ත සොයි­සාගේ ප්‍රකා­ශ­ව­ලින්ද අති­ශය සංකීර්ණ සහ ආන්දෝ­ල­නා­ත්මක කරුණු රැසක් අනා­ව­ර­ණය වී ඇති බවද එම දෙපා­ර්ත­මේ­න්තුව වැඩි­දු­ර­ටත් අධි­ක­ර­ණ­යට දැනුම්දුන්නේය.

(උපුටාගැනීම – සිළුමිණ)