දැනට රිමාන්ඩ් භාරයේ පසුවන ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ ජනාධිපති අනුර කුමාර දිසානායක වෙත ලිපියක් යොමුකරමින් ඉල්ලා ඇත්තේ, 2027 අයවැය හරහා අත්‍යවශ්‍ය පාසල් උපකරණ සහ ආහාර ද්‍රව්‍ය මත පවතින වැට් බද්ද සහ අනෙකුත් අදාළ බදු ඉවත්කරන ලෙසයි.

ඔක්තෝබර් 9 වැනි දිනැති ලිපියක් මඟින් රාජපක්ෂ ජනාධිපතිවරයාගෙන් ඉල්ලා ඇත්තේ, පාසල් පොත්, ලිපිද්‍රව්‍ය, අධ්‍යාපනික උපකරණ සහ අත්‍යවශ්‍ය ආහාර ද්‍රව්‍ය මත බදු සහන ලබා දෙන බවට ජාතික ජන බලවේගයේ 2024 ජනාධිපතිවරණ පොරොන්දු ඉටුකරන ලෙසයි.

දේශීයව නිෂ්පාදනය කරන ලද කිරි, බිත්තර සහ ළදරු කිරිපිටි ඇතුළු අත්‍යවශ්‍ය භාණ්ඩ සඳහා සියයට බිංදුවක වැට් බදු අනුපාතයක් යෝජනා කර ඇති බව පවසමින් ඔහු ජාතික ජන බලවේගයේ මැතිවරණ ප්‍රකාශනයද උපුටා දක්වා ඇත.

මෙම භාණ්ඩ මත පවතින දැනට පවතින බදු සමාලෝචනය කර ඉදිරි අයවැය හරහා පොරොන්දු වූ සහන හඳුන්වාදෙන ලෙස නාමල් රාජපක්ෂ රජයෙන් ඉල්ලා සිටියි.

ඉහළ යන අධ්‍යාපන සහ ජීවන වියදම් සමඟර අරගල කරන අඩු හා මධ්‍යම ආදායම් ලබන පවුල්වලට සහනයක් සැලසීමටත්, දරුවන්ගේ අධ්‍යාපනය සහ පෝෂණයටය සහාය වීමටත් යෝජිත පියවර මඟින් හැකි වනු ඇති බව ඔහු පවසයි.