ශ්‍රී ලංකාව පුරා මත්ද්‍රව්‍ය සම්බන්ධ වැරදි සම්බන්ධයෙන් පසුගිය වසර තුළ අත්අඩංගුවට ගත් 9,105 දෙනෙකුගෙන් යුත් ළාබාල සහ තරුණ පිරිස් අතර වයස අවුරුදු 8 ත් 14 ත් අතර ළමුන් 11 දෙනකු සිටින බව ශ්‍රී ලංකා පොලිසිය පවසයි.

පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යූ. වූට්ලර්ට අනුව, මෙම අත්අඩංගුවට ගැනීම් සිදුව ඇත්තේ 2025 ඔක්තෝබර් 30 සහ 2026 ඔක්තෝබර් 01 අතර කාලය තුළදීය.

අත්අඩංගුවට ගත් පිරිසෙන් 8,932 දෙනකු පිරිමි වන අතර 173 දෙනකු ගැහැණු බවද ඔහු පැවසීය.

සහකාර පොලිස් අධිකාරී වූට්ලර් වැඩිදුරටත් කියාසිටියේ, මත්ද්‍රව්‍ය සම්බන්ධ වැරදි සම්බන්ධයෙන් පොලිස් භාරයට ගත් පිරිස අතර වයස අවුරුදු අට තරම් කුඩා ළමයන්ද සිටීම විශේෂයෙන්ම කනගාටුවට කරුණක් බවයි.