කුප්‍රකට එයාර්බස් ගනුදෙනුවට සම්බන්ධ බවට එල්ල වී ඇති චෝදනා මත රක්ෂිත බන්ධනාගාරගත කර සිටින ශ්‍රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂව සැප්තැම්බර් 30 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ කොටුව මහේස්ත්‍රාත් අධිකරණය නියෝග කර තිබේ.

නාමල් රාජපක්ෂගේ ඇප ඉල්ලීම පිළිබඳ නියෝගය අධිකරණය විසින් අද දින ප්‍රකාශයට පත්කිරීමට නියමිතව තිබිණි.

කෙසේවෙතත්, අදාළ ඇප ඉල්ලීමට සම්බන්ධ කරුණු කීපයක් පිළිබඳව කරුණු පැහැදිලි කරන ලෙස මහේස්ත්‍රාත්වරයා අපරාධ විමර්ශන දෙපාර්තමේන්තුවට නියෝග කළ අතර, ඊට අදාළ තොරතුරු සැප්තැම්බර් 30 වැනිදා අධිකරණය හමුවේ තබන ලෙස දැනුම්දුන්නේය.

ඉන් අනතුරුව ඇප ඉල්ලීම පිළිබඳ නියෝගය ප්‍රකාශයට පත්කරන බව මහේස්ත්‍රාත්වරයා වැඩිදුරටත් පැවසීය.