September 8, 2026
ඉන්දීය ආරක්ෂක අමාත්ය රාජ්නාත් සිංගේ නිල සංචාරය අතරතුර ශ්රී ලංකාව සහ ඉන්දියාව හෙට (9) ආරක්ෂක සහයෝගිතා ගිවිසුම් තුනකට අත්සන් තැබීමට නියමිත බව විදේශ කටයුතු අමාත්ය විජිත හේරත් තහවුරු කළේය.
මෙම ගිවිසුම් මගින් ශිෂ්ය භට පුහුණුව සහ ඒකාබද්ධ වැඩසටහන්, දෙරටේ ආරක්ෂක විද්යාල අතර සහයෝගිතාව මෙන්ම ඉන්දියාව විසින් ශ්රී ලංකාවට ලබා දී ඇති ගුවන් ආරක්ෂක ආයුධ නොමිලේ නඩත්තු කිරීම ආවරණය කරනු ඇත.
සතිපතා කැබිනට් ජනමාධ්ය හමුවේදී අදහස් දක්වමින් ඇමැති හේරත් පැවසුවේ, රාජ්නාත් සිංගේ මෙම සංචාරයේ අරමුණ ශ්රී ලංකාව සහ ඉන්දියාව අතර ද්විපාර්ශ්වික සබඳතා තවදුරටත් ශක්තිමත් කිරීම වන අතර එය ආරක්ෂක සහයෝගිතාවයෙන් ඔබ්බට පවා පුළුල් වන බවයි.
රාජ්නාත් සිං අද දිනයේ ශ්රී ලංකාවේ වෙසෙන ඉන්දීය ප්රජාවේ සාමාජිකයන් හමු වීමට නියමිතය.
හෙට දිනයේදී ඔහු ජනාධිපති අනුර කුමාර දිසානායක සමඟ ද්විපාර්ශ්වික සාකච්ඡා පැවැත්වීමට සහ ආරක්ෂක අමාත්යාංශයේ ජ්යෙෂ්ඨ නිලධාරීන් හමුවීමට නියමිතව ඇත.
මීට අමතරව, ඉන්දීය ආරක්ෂක අමාත්යවරයා මෙම සංචාරයේදී අග්රාමාත්ය හරිනි අමරසූරිය ද හමු වීමට නියමිතය.
