ශ්‍රී ලංකාව සහ චීනය අතර පවතින සබඳතා ශක්තිමත් කිරීම සඳහා දැක්වූ දායකත්වය වෙනුවෙන් හිටපු ජනාධිපති මහින්ද රාජපක්ෂ නික්ම යන චීන තානාපති කිව් ෂෙන්හොංට සිය ස්තූතිය පිරිනමා ඇත.

X ගිණුමේ සටහනක් තබමින් මහින්ද රාජපක්ෂ, තානාපති කිව් මහතාට සහ ඔහුගේ බිරිඳට සුබ පැතුම් එක් කර ඇති අතර, ශ්‍රී ලංකාවේ සිටි කාලය තුළ ඉටුකළ සේවය වෙනුවෙන් ස්තූතිය පුද කරමින් දෙරට අතර පවතින දීර්ඝකාලීන මිත්‍රත්වයට ඇති කැපවීම නැවතත් තහවුරු කර තිබේ.