නියමිත නඩු වාරයකට පෙනීනොසිටීම හේතුවෙන් නාගරික සංවර්ධන නියෝජ්‍ය අමාත්‍ය එරංග ගුණසේකර, පාර්ලිමේන්තු මන්ත්‍රී ජගත් මනුවර්ණ ඇතුළු හයදෙනකු අත්අඩංගුවට ගන්නා ලෙස කොටුව මහේස්ත්‍රාත් අධිකරණය අද (17) නියෝග කළේය.

දැනට ඇප මත පසුවන මෙම විත්තිකරුවන් හයදෙනාට එරෙහිව අධිකරණ නියෝග උල්ලංඝනය කරමින් විරෝධතාවලට සහභාගී වීම සහ නීතිවිරෝධී රැස්වීමක සාමාජිකයන් ලෙස කටයුතු කිරීම යන චෝදනා එල්ල වී ඇත.

අතිරේක මහේස්ත්‍රාත් කිංස්ලි හෙට්ටිආරච්චි විසින් මෙලෙස අත්අඩංගුවට ගැනීමේ වරෙන්තු නිකුත් කරනු ලැබුවේ:

* නියෝජ්‍ය අමාත්‍ය එරංග ගුණසේකර
* පාර්ලිමේන්තු මන්ත්‍රී ජගත් මනුවර්ණ
* රොෂාන් අලි ධානිෂ් අලි
* අමල් සාලින්ද නොහොත් ‘ආමි අමිල’
* උදයන්ග කුමාර
* පූජ්‍ය කොස්වත්තේ මහනාම හිමි යන අයටය.

මීට අමතරව, විත්තිකරුවන් වෙනුවෙන් ඇපකරුවන් ලෙස පෙනීසිටි පුද්ගලයන්ට ද අධිකරණය හමුවේ පෙනීසිටින ලෙස දන්වා නොතීසි නිකුත් කළ අතර, නඩුව නැවත විභාග කිරීම 2026 දෙසැම්බර් 4 වනදාට කල්තබන ලදී.