July 10, 2026
ඉන්දීය අග්රාමාත්ය නරේන්ද්ර මෝදි සිකුරාදා දින නවසීලන්තයේ ඕක්ලන්ඩ් නුවර වෙත ළඟා විය.
එහිදී ඔහුව නවසීලන්ත අග්රාමාත්ය ක්රිස්ටෝපර් ලක්සන් විසින් උණුසුම් අයුරින් පිළිගනු ලැබීය.
අග්රාමාත්ය මෝදි මෙම සංචාරයේ නිරත වන්නේ නවසීලන්ත අග්රාමාත්යවරයාගේ නිල ආරාධනයකට අනුවය.
මෙය ඉන්දීය අග්රාමාත්යවරයෙකු දශක හතරකට පසු නවසීලන්තයේ නිරත වන පළමු අවස්ථාව ද වේ.
ඕක්ලන්ඩ් නුවරදී අග්රාමාත්ය මෝදි, නවසීලන්ත අග්රාමාත්ය ලක්සන් සමඟ ද්විපාර්ශ්වික සාකච්ඡා පැවැත්වීමට නියමිතය.
එහිදී පසුගිය වසර දෙක තුළ, විශේෂයෙන්ම වෙළඳ, වාණිජ සහ ආරක්ෂක ක්ෂේත්රයන්හි සැලකිය යුතු ප්රගතියක් අත්කර ගෙන ඇති දෙරටේ සමස්ත ද්විපාර්ශ්වික සබඳතා පිළිබඳව නායකයන් දෙපළ සමාලෝචනයක නිරත වන බව ඉන්දීය විදේශ කටයුතු අමාත්යාංශය ප්රකාශ කරයි.
ඕක්ලන්ඩ් හි රැඳී සිටින කාලය තුළ ඉන්දීය අග්රාමාත්යවරයා එරට ප්රමුඛ පෙළේ ව්යාපාරික හා ක්රීඩා ක්ෂේත්රවල ප්රමුඛයන් හමුවීමට ද නියමිතය.
මීට අමතරව, ඉන්දියාව සහ නවසීලන්තය අතර පවතින ශක්තිමත් ජනතා සබඳතා පිළිබිඹු කරමින්, අග්රාමාත්යවරයා එහි වෙසෙන විශාල ඉන්දීය ඩයස්පෝරාව (විදේශගත ඉන්දීය ප්රජාව) ඇමතීමට ද කටයුතු යොදා ඇත.
මෙම වසරේ අප්රේල් මාසයේදී දෙරට අතර නිදහස් වෙළඳ ගිවිසුම අත්සන් කිරීමෙන් අනතුරුව සිදුවන අග්රාමාත්ය මෝදිගේ මෙම සංචාරය, දෙරටේ වෙළඳ හා ද්විපාර්ශ්වික සබඳතාවලට නව පණක් ලබා දෙන උත්ප්රේරකයක් වනු ඇතැයි අපේක්ෂා කෙරේ.
මීට පෙර, 2025 මාර්තු 17 වන දින නවසීලන්ත අග්රාමාත්ය ක්රිස්ටෝපර් ලක්සන් ඉන්දියාවේ කළ නිල සංචාරය අතරතුරදී ද මෙම නායකයින් දෙපළ නවදිල්ලි නුවරදී ද්විපාර්ශ්වික සාකච්ඡා පවත්වා තිබුණි.
