June 6, 2026
ශ්රී ලංකාව තුළ මැලේරියා රෝගය පාලනය කිරීම සඳහා දියත් කර ඇති වැඩපිළිවෙළ දැඩි අභියෝගයකට ලක්කරමින්, මැලේරියා රෝගයට සම්බන්ධ නව පරපෝෂිතයකු මෙරටින් මතුවෙමින් පවතින බව සෞඛ්ය බලධාරීන් අනතුරු අඟවති.
ජාතික මැලේරියා මර්දන ව්යාපාරයේ අධ්යක්ෂ වෛද්ය ප්රසංග සේරසිංහ ප්රකාශ කළේ, පසුගිය වසරේදී මෙරටින් මැලේරියා රෝගීන් 34 දෙනකු වාර්තා වී ඇති අතර, මේ වසරේ මේ දක්වා කාලය තුළ රෝගීන් 07 දෙනකු හඳුනාගෙන ඇති බවයි.
සාම්ප්රදායික මැලේරියා පරපෝෂිතයන් මෙන් නොව, මිනිසුන් මෙන්ම සතුන් ද ආසාදනය කිරීමට මෙම නව පරපෝෂිතයාට ඇති හැකියාව හේතුවෙන්, රෝගය සම්පූර්ණයෙන් තුරන්කිරීම බෙහෙවින් දුෂ්කර වනු ඇතැයි ඔහු දැඩි කනස්සල්ල පළකළේය.
“මෙම පරපෝෂිතයා සියවසකට වැඩි කාලයක සිට පැවතුණත්, සතුන් ආසාදනය කිරීමට ඌට ඇති හැකියාව නිසා මෙය වඩාත් භයානක තත්ත්වයක් ලෙස සැලකිය හැකියි. මෙමඟින් රෝගය ව්යාප්ත වුවහොත්, මිනිසුන්ට මෙන්ම සතුන්ට ද ප්රතිකාර කිරීමට සිදුවන බැවින් රෝගය පාලනය කිරීම අතිශය අභියෝගාත්මක වනු ඇත” යැයි වෛද්ය සේරසිංහ සඳහන් කළේය.
මෙම පරපෝෂිතයා හේතුවෙන් මැලේරියා මර්දනය සම්බන්ධයෙන් ශ්රී ලංකාව ලබා ඇති ප්රගතිය අඩාල විය හැකි බවට අනතුරු ඇඟවූ වෛද්ය සේරසිංහ, රෝග ව්යාප්තිය වැළැක්වීම සඳහා නිරීක්ෂණ කටයුතු තීව්ර කිරීමට සහ අවශ්ය වැළැක්වීමේ පියවර කඩිනමින් ගැනීමට කාලය එළඹ ඇති බව ද අවධාරණය කළේය.
