මෙරට ප්‍රකට ව්‍යාපාරික ඩඩ්ලි සිරිසේන රෝල්ස් රෝයිස් රථයක් ශ්‍රී ලංකාවට ගෙන්වීමත්, ඩොලර් මිල ඉහළ යෑමට හේතුවක් වූ මහාචාර්ය ජී.එල්.පීරිස්, ඉතාලියේ පැවති නිදහස් උත්සවයේ දී සිදුකළ ප්‍රකාශයට, එම උත්සවයට සහභාගී වූ ඩඩ්ලි සිරිසේන ඒ මොහොතේම මහාචාර්ය ජී. එල් පීරිස්ට ප්‍රතිචාර දක්වා ඇතැයි බව වාර්තාවේ.

එම නිදහස් උත්සයට හිටපු අමාත්‍ය මහාචාර්ය ජී.එල්.පීරිස් මෙන්ම ව්‍යාපාරික ඩඩ්ලි සිරිසේන ඇතුළු පිරිසක් එව සිට ඇතැයි දැනගන්නට ඇත.

ඉතාලි නිදහස් දිනය වෙනුවෙන් ඉතාලි තානාපති කාර්යාලය මගින් පසුගිය 02 වෙනිදා සංවිධානය කර තිබු උත්සවයකට සහභාගි වී සිටියදී මෙම සංවාදය ඇති වී ඇත.

මෙහිදී ජි.එල් පීරිස් ලංකාවේ බදු බර වැඩිවීම හා ඩොලර් මිල ඉහළ යෑමට හේතුවක් ලෙස ඩඩ්ලි සිරිසේනගේ රෝල්ස් රෝයිස් රථයක් හේතුවක් වී ඇති බව කළ ප්‍රකාශයක් සමග දෙදෙනා අතර සිදුවන්නට ගිය ගුටිබැට හුවමාරුවක් හුවමාරුවක්ද වළකා ගැනීමට එම අවස්ථාවට සහභාගි වූ පිරිස් කටයුතු කර ඇත.

“ආ මහාචාර්යතුමා, ඔයාලට විතරද රොල්ස් රොයිස් පදින්න හොඳ? ඇයි දුප්පත් අපිට රොල්ස් රොයිස් පදින්න හොඳ නැද්ද?” යැයි ඩඩ්ලි සිරිසේන විමසා තිබේ.

“මොකද ..මොකද තමයි, ඔබතුමා මොකක්ද අර කියලා තියෙන රෙද්දෙ කතාව? ඔහෙලා වගේ අපි මේවා මේ එක එකා එක්ක ඩීල් දාලා, කොමිස් ගහලා ගත්තුවාවත්, පර්මිට්වලට ගෙන්නපුවාවත් නෙවෙයි. දුක් මහන්සියෙන් බිස්නස් කරලා, රෑ දවල් නැතුව හම්බ කරලා, රජයට ගෙවන්න ඕන ඔක්කොම බදුත් ගෙවලා හරි පාරෙන් ගෙන්නපුවා. ඇයි මහාචාර්යතුමාලාට විතරද මේ රටෙව් රොල්ස් රොයිස් ගේන්න පුළුවන්? ඔහේලා පොඩි කාලෙ ඉස්කෝලෙ ගියෙත් රොල්ස් රොයිස්වල. ඒ කාලෙ කෑම ගේන්න ගියෙත් රොල්ස් රොයිස්වල කියල මම නොදන්නවා නෙමෙයි. දුප්පත් පවුල්වල අපි හම්බකරලා මේ වගේ එකක් ගෙනාවාම තමයි ඔහේලා ඔක්කොටම අමාරුව. පුදුම ඉරිසියාවක්නෙ මේක” යැයි ඩඩ්ලි සිරිසේන මහ හඬින් ප්‍රකාශ කොට තිබෙන බවද සඳහන් වේ. (ලංකාදීප)