බදු වංචාවක් සම්බන්ධයෙන් කොලොම්බියානු පොප් ගායිකා ෂකීරාට එරෙහිව පැවති නඩුවකින් ඇය නිදොස්කොට නිදහස් කර තිබේ.

ඒ අනුව ස්පාඤ්ඤ බදු ඒජන්සිය විසින් 2021 දී පනවන ලද යුරෝ මිලියන 55ක දඩය අවලංගු කර ඇති බව රොයිටර්ස් පුවත් සේවයවාර්තා කරයි.

ගායිකාවගේ අභියාචනයක් මත ක්‍රියා කරමින්, පොලිය ඇතුළුව යුරෝ මිලියන 60කට වැඩි මුදලක් ඇයට ආපසු ගෙවීමට අධිකරණය භාණ්ඩාගාරයට නියෝග කළ බව ෂකීරාගේ නීතිඥයන් පවසා ඇත.

ස්පාඤ්ඤ නීතියට අනුව, ශකීරා රටේ බදු පදිංචිකරුවකු ලෙස සැලකීමට නීතියෙන් නියම කර ඇති පරිදි, 2011 දී ස්පාඤ්ඤයේ දින 183කට වඩා ගත කළ බව ඔප්පු කිරීමට බලධාරීන් අපොහොසත් වී ඇති බව විනිසුරුවරයා තීන්දු කළේය.

2011න් පසු බදු වසරවලට එය බලපාන්නේ නැත.

ඒ වන විට, බදු ඒජන්සිය තර්ක කළේ ෂකීරා හිටපු බාර්සිලෝනා පාපන්දු ක්‍රීඩක ජෙරාඩ් පික් සමඟ ඇති සම්බන්ධතාව හරහා ස්පාඤ්ඤයට සම්බන්ධ වී ඇති බවයි.

නමුත් 2011 මූල්‍ය වර්ෂය සඳහා අභියාචකයාගේ බදු නිවස ස්පාඤ්ඤයේ තිබූ බවට උපකල්පනය මත පදනම් වූ බැවින් දඩ මුදල් නීති විරෝධී බව මහාධිකරණය තීන්දු කළේය.

කෙසේවෙතත් බදු ආයතනය ශ්‍රේෂ්ඨාධිකරණයට අභියාචනයක් ඉදිරිපත් කරන බවත් අවසාන තීන්දුව ලැබෙන තුරු කිසිදු ගෙවීමක් සිදු නොකරන බවත් පැවසීය.

ශකීරාගේ නීතිඥ ජෝස් ලුයිස් ප්‍රාඩා ප්‍රකාශයක් නිකුත් කරමින් අධිකරණ තීන්දුව පිළිගනිමින් සඳහන් කර ඇත්තේ, පිළිගත නොහැකි හානියක් සිදු කළ වසර අටක දුෂ්කර අත්දැකීමකින් පසුව නඩු තීන්දුව ලැබුණු බවයි.

ඔවුන්ගේ නිර්දෝෂීභාවය ඔප්පු කිරීමට බල කරන දහස් ගණන් සාමාන්‍ය පුරවැසියන්ට මෙම තීන්දුව පූර්වාදර්ශයක් වනු ඇතැයි තමන් බලාපොරොත්තු වන බව ෂකීරා පැවසූ බව එම ප්‍රකාශයේම උපුටා දැක්වීය.

2012 සහ 2014 අතර ස්පාඤ්ඤ ආදායම් බද්දෙන් යුරෝ මිලියන 14.5ක් ගෙවීමට අපොහොසත් වූ චෝදනා සම්බන්ධයෙන් බාසිලෝනාහි නඩු විභාගයකින් වැළකී සිටීම සඳහා 2023 නොවැම්බර් මාසයේදී ෂකීරා නඩු පවරන්නන් සමඟ වෙනම ගිවිසුමකට එළඹුණාය.

ගිවිසුමේ කොටසක් ලෙස, ඇය චෝදනා සහ ගෙවිය යුතු මුදලින් අඩක් එනම් යුරෝ මිලියන 7.3කට වඩා දඩයක් ගෙවීමට පිළිගත්තාය.