ඇම්බියන් කැපිටල් පීඑල්සී විසින් සිය අනුබද්ධිත සමාගමක් වන Ambeon Essentials (Private) Limited හරහා හරිස්චන්ද්‍ර මිල්ස් පීඑල්සී හි පාලක කොටස් හිමිකාරීත්වය අත්පත් කර ගැනීමෙන් පසු පසුගිය 12 වැනිදා සිට බලපැවැත්වෙන පරිදි නව අධ්‍යක්ෂ මණ්ඩල සාමාජිකයන් සිව්දෙනකු හරිස්චන්ද්‍ර මිල්ස් අධ්‍යක්ෂ මණ්ඩලයට පත්කර තිබේ.

ඒ අනුව ඇම්බියන් සමූහයේ අධ්‍යක්ෂ මණ්ඩල සාමාජිකයන් වන සුජීව මුදලිගේ, වෛද්‍ය සජීව නාරාංගොඩ (විධායක අධ්‍යක්ෂ) සහ සවන්ත් සෙබස්තියන් යන අය හරිස්චන්ද්‍ර මිල්ස් පීඑල්සී හි නව අධ්‍යක්ෂ මණ්ඩල සාමාජිකයින් ලෙස පත්වීම් ලැබ ඇත.

මීට අමතරව Ambeon Essentials (Private) Limited නියෝජනය කරමින් ප්‍රවීණ ක්‍රිකට් ක්‍රීඩක අරවින්ද ද සිල්වා ද හරිස්චන්ද්‍ර මිල්ස් පීඑල්සී හි නව අධ්‍යක්ෂ මණ්ඩල සාමාජිකයකු ලෙස පත්කර ඇති බව එහි ලේකම් සමාගම වන CORPORATE SERVICES (PRIVATE) LIMITED විසින් කොළඹ කොටස් වෙළෙඳපොළ වෙත දැනුම් දී ඇත.