කිලිනොච්චිය ප්‍රදේශයේ දිවා කාලයේ සිදු වූ නිවාස බිඳීම් මාලාවක් සම්බන්ධයෙන් පොලිසිය විසින් අඹුසැමි යුවළක් අත්අඩංගුවට ගෙන තිබේ.

මෙලෙස අත්අඩංගුවට ගෙන ඇත්තේ වයස අවුරුදු 25ක පුද්ගලයකු සහ ඔහුගේ වයස අවුරුදු 20ක බිරිඳයි.

ඔවුන් විසින් සොරකම් කරන ලද රුපියල් මිලියන 7.5ක් පමණ වටිනා භාණ්ඩ ද සොයා ගෙන ඇත.

පොලිසිය පවසන්නේ කිලිනොච්චි නගරයේ අපරාධ වැළැක්වීමේ මෙහෙයුමකදී කිලිනොච්චි අපරාධ විමර්ශන අංශයේ නිලධාරීන් විසින් මෙම අත්අඩංගුවට ගැනීම් සිදු කළ බවයි.

එක් පුද්ගලයකුගේ හැසිරීම පිළිබඳ ඇති වූ සැකයක් මත ප්‍රශ්න කිරීම් සිදු කරන ලද අතර, එහිදී සොරකම් කරන ලද දේපළ සහ රන් ආභරණ සොයා ගැනීමට හැකි වී තිබේ.

එම භාණ්ඩ සොරකම් දහයකට අදාළ බව ද අනාවරණ වී ඇත.

තාවකාලික රැකියාවක නියුතු ශාන්තපුරම්හි පදිංචි මෙම ප්‍රධාන සැකකරු අත්අඩංගුවට ගැනීමෙන් පසු ඔහුගේ බිරිඳ අත්අඩංගුවට ගෙන ඇත්තේ සොරකම් කරන ලද භාණ්ඩ සැඟවීමට සහාය වීමේ චෝදනා මතය.

කිලිනොච්චි පොලිසියට වාර්තා වූ දිවා කාලයේ නිවාස බිඳීම් දහයකට මෙම යුවළ සෘජුවම සම්බන්ධ වී ඇති බව පොලිස් පරීක්ෂණවලින් හෙළි වී තිබේ.

සොරකම් කරන ලද දේපළවල වටිනාකම රුපියල් මිලියන 7.5කි.

සොරකම් කරන ලද රත්‍රන්වලින් කොටසක් පෞද්ගලික උකස් මධ්‍යස්ථාන දෙකක සහ බැංකුවක මන්නාරම ශාඛාවේ උකස් කර ඇති බව පොලිසිය තවදුරටත් අනාවරණ කළේය.

රුපියල් මිලියන 4.9ක් වටිනා උකස් කරන ලද රත්‍රන් ආපසු ලබා ගැනීම සඳහා අධිකරණ නියෝග ලබා ගැනීමට පියවර ගෙන ඇත.

සැකකරුවන් සහ නඩු භාණ්ඩ වැඩිදුර නීතිමය කටයුතු සඳහා කිලිනොච්චි පොලිස් ස්ථානය වෙත ඉදිරිපත් කර ඇති අතර, පරීක්ෂණඅඛණ්ඩව සිදුකෙරේ.