May 12, 2026
ඉන්දියාව සහ රුසියාව ලිතියම් සහ දුර්ලභ පස් ලෝහ ඇතුළු තීරණාත්මක ඛනිජ සම්පත් ගවේෂණය, සැකසීම සහ තාක්ෂණික සහයෝගීතාව පිළිබඳ මූලික ගිවිසුමකට අත්සන් තැබීමට අපේක්ෂා කරන බව මෙම කරුණ පිළිබඳව දන්නා ආරංචි මාර්ග දෙකක් උපුටා දක්වමින් රොයිටර් පුවත් සේවය වාර්තා කළේය.
චීනය මත පවතින යැපීම අවම කරමින්, පිරිසිදු බලශක්ති තාක්ෂණයන් සහ කාර්මික නිෂ්පාදන සඳහා අත්යවශ්ය වන ඛනිජ සම්පත් විදේශයන්ගෙන් සුරක්ෂිත කර ගැනීමට ඉන්දියාව සිය උත්සාහයන් තීව්ර කර ඇති පසුබිමක, ඉදිරි මාස කිහිපය ඇතුළත මෙම ගිවිසුමට අත්සන් තැබිය හැකි බව රොයිටර් හි ආරංචි මාර්ග සඳහන් කරයි.
“අපි යෝජිත ගිවිසුමේ කෙටුම්පතක් අපගේ රුසියානු පාර්ශ්වකරුවන් සමඟ බෙදාගෙන තිබෙනවා,” යැයි එම ආරංචි මාර්ගවලින් එකක් පැවසීය.
බටහිර අප්රිකානු රටක් වන මාලි (Mali) හි දේශපාලන සහ ආරක්ෂක තත්ත්වය ස්ථාවර වුවහොත්, රුසියාවේ රාජ්ය න්යෂ්ටික සංස්ථාව වන ‘රොසැටම්’ (Rosatom) විසින් ක්රියාත්මක කරනු ලබන ලිතියම් ගවේෂණ ව්යාපෘතියක් පිළිබඳව ඉන්දියාවට නැවත සලකා බැලිය හැකි බව ද එක් ආරංචි මාර්ගයක් සඳහන් කළේය.
ආරක්ෂක හේතූන් මත ඉන්දියාව මීට පෙර එම ව්යාපෘතියෙන් ඉවත් වී තිබුණි.
විද්යුත් වාහන බැටරි, පුනර්ජනනීය බලශක්ති යටිතල පහසුකම් සහ උසස් නිෂ්පාදන කටයුතු සඳහා භාවිතා කරන තීරණාත්මක ඛනිජ සම්පත් ලබා ගැනීම වෙනුවෙන් ලොව පුරා රටවල් අතර තරඟයක් පවතින වටපිටාවක මෙම සැලසුම්ගත සහයෝගීතාවය සිදුවේ.
