විදේශීය රටක නිෂ්පාදිත පිස්තෝලයක් ළඟ තබාගැනීම සම්බන්ධයෙන් පන්නල, හුණුවිල ප්‍රදේශයේ දී 38 හැවිරිදි සැකකරුවකු අත්අඩංගුවට ගෙන තිබේ.

ලැබුණු තොරතුරක් මත ජයවර්ධනපුර පොලිස් විශේෂ කාර්ය බලකා (STF) කඳවුරේ නිලධාරීන් විසින් සිදු කරන ලද වැටළීමකදී මෙම අත්අඩංගුවට ගැනීම සිදුකළ බව පොලිසිය පැවසීය.

සැකකරු හුණුවිල ප්‍රදේශයේ පදිංචිකරුවකු ලෙස හඳුනාගෙන ඇති බව පොලිසිය සඳහන් කළේය.

සිද්ධිය සම්බන්ධයෙන් පන්නල පොලිස් ස්ථානය වැඩිදුර පරීක්ෂණ පවත්වයි.