ශ්‍රී ලංකා යුද හමුදා ඉංජිනේරු සේවා බලකායේ ලාන්ස් කෝප්‍රල් ඒ.පී. මරියලුජිසන්ගේ අවසන් කටයුතු සිකුරාදා (01) කිලිනොච්චියේදී පූර්ණ හමුදා ගෞරව සහිතව සිදුකරන ලදී.

ශ්‍රී ලංකා යුද හමුදා ඉංජිනේරු සේවා 12 (ස්වේච්ඡා) ඉංජිනේරු සේවා රෙජිමේන්තුවට අනුයුක්තව සේවය කළ මෙම ලාන්ස් කෝප්‍රල්වරයා අප්‍රේල් 19 වැනි දින මුරිකන්ඩි හි සිදුවූ දුම්රිය අනතුරකින් මියගියේය.

අනතුරෙන් පසු ඔහු යාපනය ශික්ෂණ රෝහලේ දැඩි සත්කාර ඒකකයට ඇතුළත් කරන ලද නමුත් පසුව ප්‍රතිකාර ලබමින් සිටියදී මියගියේය.

මරියලුජිසන් 2014 ජුනි 01 වන දින ශ්‍රී ලංකා හමුදාවට එක්විය.

ජ්‍යෙෂ්ඨ නිලධාරීන්, සෙසු හමුදා සාමාජිකයින්, ඥාතීන් සහ නිවැසියන් අවමංගල්‍ය උත්සවයට සහභාගී වී ඔවුන්ගේ අවසන් ගෞරව දැක්වීය.