සමගි ජන බලවේගය සහ එක්සත් ජාතික පක්ෂය දැනටමත් එක්සත් වී ඇති බව විපක්ෂ නායක සජිත් ප්‍රේමදාස ප්‍රකාශ කළේය.

කොළඹ මාලිගාවත්ත පී.ඩී. සිරිසේන පිටියේ ඊයේ (01) පැවති මැයි දින රැලිය අමතමින් ඔහු මෙම අදහස් පළකළේය.

විපක්ෂ නායකවරයා සිය කතාව අතරතුර, සමගි ජන බලවේගයේ මැයි දින රැලියට සුබ පැතුම් පණිවිඩයක් එවීම සම්බන්ධයෙන් හිටපු ජනාධිපති රනිල් වික්‍රමසිංහට සිය කෘතඥතාව පළකළේය.

පක්ෂ දෙක අතර සහයෝගීතාවයට පහසුකම් සැලසීම සඳහා කමිටුවක් පත්කිරීමට හිටපු ජනාධිපතිවරයා යෝජනා කර තිබුණද, පක්ෂ දැනටමත් එකට එකතු වී ඇති බැවින් එවැනි කමිටු තවදුරටත් අවශ්‍ය නොවන බව ඔහු සඳහන් කළේය.

එවැනි කමිටු තුළ සිටින ඇතැම් පුද්ගලයන් මෙම එක්සත්කම අඩපණ කිරීමට උත්සාහ කරන බවත්, එවැනි කුමන්ත්‍රණකාරී උත්සාහයන්ට කිසිදු ඉඩක් ලබානොදෙන බවත් සජිත් ප්‍රේමදාස තවදුරටත් පැවසීය.