April 30, 2026
ඇමරිකානු ඩොලර් මිලියන 2.5ක මුදලක් අස්ථානගත වීම සම්බන්ධයෙන් මුදල් අමාත්යාංශය පාර්ලිමේන්තුවේදී විශේෂ ප්රකාශයක් කිරීමට නියමිත බව වාර්තා වේ.
අමාත්යාංශ ආරංචි මාර්ගවලට අනුව, 2026 මැයි 05 වැනිදා මුදල් හා ක්රමසම්පාදන නියෝජ්ය අමාත්ය අනිල් ජයන්ත එම ප්රකාශය ඉදිරිපත් කරනු ඇත.
මේ අතර, සිද්ධිය සම්බන්ධයෙන් පැහැදිලි කිරීම් ලබා දීම සඳහා මුදල් අමාත්යාංශයේ ලේකම් හර්ෂණ සූරියප්පෙරුම අද (30) පස්වරු රාජ්ය මුදල් පිළිබඳ කාරක සභාව හමුවේ පෙනී සිටීමට නියමිතව තිබිණි.
රාජ්ය මුදල් පිළිබඳ කාරක සභා සභාපති ආචාර්ය හර්ෂ ද සිල්වා කළ ඉල්ලීමකට අනුව මෙම පෙනී සිටීම සිදු වේ.
ඒ අනුව, ඇමරිකානු ඩොලර් මිලියන 2.5ක මුදලක් අස්ථානගත වීම සම්බන්ධයෙන් කමිටුව විසින් ලේකම්වරයා ඇතුළු මුදල් අමාත්යාංශයේ ජ්යෙෂ්ඨ නිලධාරීන්ගෙන් ප්රශ්න කිරීමට නියමිතය.
කෙසේවෙතත්, මීට පෙර වාර්තා වුණේ රාජ්ය මුදල් පිළිබඳ කාරක සභාව හමුවේ අද පෙනී සිටීමට නොහැකි වනු ඇති බව භාණ්ඩාගාර ලේකම්වරයා ඊයේ (29) කමිටුවට ලිඛිතව දැනුම් දී ඇති බවයි.
රාජ්ය මුදල් පිළිබඳ කාරක සභාව හමුවේ පෙනී සිටීම භාණ්ඩාගාර ලේකම්වරයා ප්රතික්ෂේප කර නොමැති බව මෙයට ප්රතිචාර දක්වමින් ජනමාධ්ය නියෝජ්ය අමාත්ය කෞශල්යා ආරියරත්න ද ප්රකාශ කර තිබිණි.
