භාණ්ඩාගාරයෙන් ඇමරිකානු ඩොලර් මිලියන 2.5ක් සොරකම් කළ බවට එල්ල වන චෝදනාව සාකච්ඡා කිරීම සඳහා රාජ්‍ය මුදල් පිළිබඳ පාර්ලිමේන්තු කාරක සභාව අද (28) රැස්වීමට නියමිතය.

එම කාරක සභාවේ සභාපති පාර්ලිමේන්තු මන්ත්‍රී හර්ෂ ද සිල්වා ප්‍රකාශ කළේ මුදල් අමාත්‍යාංශයේ ලේකම්වරයා කමිටුව ඉදිරියට කැඳවිය යුතුද නැද්ද යන්න සම්බන්ධයෙන් රැස්වීමේදී තීරණයක් ගන්නා බවයි.

කොළඹදී මාධ්‍ය අමතමින් ඔහු මෙම අදහස් පළ කළේය.

සිද්ධිය සම්බන්ධයෙන් රාජ්‍ය මුදල් පිළිබඳ කාරක සභාව විසින් සිදු කරනු ලබන පරීක්ෂණ සඳහා රජය පූර්ණ සහයෝගය ලබා දෙන බව නියෝජ්‍ය අමාත්‍ය චතුරංග අබේසිංහ සඳහන් කළේය.