දේශපාලනික හේතුන් මත වෙසක් පොහොය දිනය වෙනස් කර ඇති බවට කෝට්ටේ ශ්‍රී කල්‍යාණි සාමග්‍රිධර්ම මහාසංඝසභා ප්‍රධාන ලේකම් සහ නියෝජ්‍ය ප්‍රධාන සංඝනායක කොටපිටියේ රාහුල අනුනායක හිමියන් චෝදනා කරති.

මැයි 1 වැනි දිනයට යෙදෙන මැයි දින සැමරුම් උත්සවය හේතුවෙන් මෙම වෙනස සිදුකළ බවත්, එහි ප්‍රතිඵලයක් ලෙස වෙසක් සැමරුම මැයි 30 වැනි දිනට මාරුකළ බවත් උන්වහන්සේ සඳහන් කළහ.

කෙසේවෙතත්, මහානායක හිමිවරුන් ද මේ සම්බන්ධයෙන් අදහස් ප්‍රකාශ කර ඇති බැවින්, තමන් වහන්සේ ඔවුන්ගේ ස්ථාවරයට විරුද්ධ නොවන බව හෝ අගෞරව නොකරන බව කොටපිටියේ රාහුල අනුනායක හිමියන් සඳහන් කළහ.