ඉන්දියාව සහ කටාර් රාජ්‍යය අතර ද්විපාර්ශ්වික වෙළඳාම ඉහළ නැංවීමට සහ බටහිර ආසියානු අර්බුදය හේතුවෙන් අඩාල වී ඇති සැපයුම් දාමයේ ඔරොත්තු දීමේ හැකියාව ශක්තිමත් කර ගැනීම පිළිබඳ සාකච්ඡා පවත්වා තිබේ.

මෙම හමුව ඉන්දීය වාණිජ හා කර්මාන්ත අමාත්‍ය පියුෂ් ගෝයල් සහ කටාර් රාජ්‍යයේ විදේශ වෙළඳ කටයුතු පිළිබඳ රාජ්‍ය අමාත්‍ය අහමඩ් බින් මොහොමඩ් අල් සයිඩ් අතර පැවැත්විණි.

“අපගේ ද්විපාර්ශ්වික වෙළඳ සහ ආයෝජන සබඳතා තවදුරටත් ඉහළ නැංවිය හැකි මාර්ග පිළිබඳව අපි සාකච්ඡා කළෙමු. ඉදිරි කාලය තුළ අපගේ උපායමාර්ගික හවුල්කාරිත්වය වඩාත් ගැඹුරු කිරීමට බලාපොරොත්තු වෙමු,” යැයි අමාත්‍ය ගෝයල් සමාජ මාධ්‍ය සටහනක් තබමින් ප්‍රකාශ කළේය.