තම පුතා සහ තවත් දරුවෙකු බේරා ගැනීම සඳහා මිහින්තලේ මරදන්කුලම වැවට පනින ලද පියෙකු ඊයේ (17) පස්වරුවේ දියේ ගිලී මිය ගොස් තිබේ.

මෙලෙස මියගොස් ඇත්තේ මරදන්කුලම ප්‍රදේශයේම පදිංචි 55 හැවිරිදි පුද්ගලයෙකි.

පරීක්ෂණවලට අනුව, පියා මිතුරකු සමඟ මරදන්කුලම වැවේ සිටියදී අවුරුදු 11 සහ 12 යන වයස්වල පසුවන දරුවන් දෙදෙනා ජලයේ ගිලී සිටිනු දැක ඔවුන් බේරා ගැනීමට වහාම වැවට පැන ඇත.

කෙසේවෙතත්, දරුවන් දෙදෙනාම උපද්‍රවයක් නොමැතිව බේරාගත් බව පොලිසිය පැවසීය.

මියගිය පුද්ගලයාගේ දේහය අනුරාධපුර ශික්ෂණ රෝහලේ මෘත ශරීරාගාරයේ තබා ඇති බව පොලිසිය පැවසීය.

සිද්ධිය සම්බන්ධයෙන් මිහින්තලේ පොලිසිය වැඩිදුර පරීක්ෂණ පවත්වයි.