මන්නාරමට උතුරින් ශ්‍රී ලංකා මුහුදු සීමාවේ ධීවර කටයුතුවල නිරත වූ ඉන්දීය ධීවර බෝට්ටුවක් සමග ඉන්දීය ධීවරයන් සිව්දෙනෙකු (04) ශ්‍රී ලංකා නාවික හමුදාව අත්අඩංගුවට ගෙන තිබේ.

නාවික හමුදාවට අනුව, උතුරු මැද නාවික විධානය ඉරිදා (13) සිදු කරන ලද මෙහෙයුමකදී නීති විරෝධී ධීවර කටයුතුවල නිරත වෙමින් සහ ශ්‍රී ලංකා මුහුදු සීමාවට අනවසරයෙන් ඇතුළු වෙමින් සිටි ඉන්දීය ධීවර බෝට්ටු දැක ඇත.

ඊට ප්‍රතිචාර වශයෙන්, උතුරු මැද නාවික විධානයේ නාවික යාත්‍රා යොදවා මන්නාරම මුහුදෙන් එම ඉන්දීය ධීවර බෝට්ටු පලවා හරින ලදී.

අත්අඩංගුවට ගත් බෝට්ටුව සහ ඉන්දීය ධීවරයන් නීතිමය කටයුතු සඳහා කිලිනොච්චි ධීවර පරීක්ෂක වෙත භාර දී ඇත.