April 13, 2026
හදිසි ගල්අඟුරු ටෙන්ඩර් ප්රදානය කිරීමේ ක්රියාවලියට අදාළ දුරකථන සංවාදයක් සම්බන්ධයෙන් සමාජ මාධ්යවල සංසරණය වන ප්රකාශ ප්රතික්ෂේප කරමින් ලංකා ගල්අඟුරු සමාගම නිවේදනයක් නිකුත් කර තිබේ.
අද(13) නිකුත්කළ මෙම නිවේදනයේ, ලංකා ගල් අඟුරු සමාගමේ සභාපති ජයන්ත රත්නායක පවසන්නේ, මාර්තු 25 වැනි දින තමා, සමාගමේ සාමාන්යාධිකාරීවරයා සහ ගල් අඟුරු සැපයුම්කරුගේ නියෝජිතයකු අතර සිදු වූ දුරකථන සංවාදයක ශ්රව්ය පටිගත කිරීමක් විකෘති සහ නොමඟ යවන සුළු අර්ථකථන සහිතව සංසරණය වී ඇති බවයි.
එය, අදාළ බැංකුව විසින් නිකුත් කරන ලද 2026 මාර්තු 25 දිනැති කාර්යසාධන බැඳුම්කරයක් ඉදිරිපත් කරන ලෙස සැපයුම්කරුට දැනුම් දීම හා සම්බන්ධ සංවාදයක් බව ඔහු පවසයි.
හදිසි ගල්අඟුරු ප්රසම්පාදනය සහ ටෙන්ඩර් ක්රියාපටිපාටි නිසි ප්රසම්පාදන මාර්ගෝපදේශවලට අනුකූලව සිදුකරන ලද බවත්, එම ක්රියාවලිය සාර්ථකව ක්රියාත්මක වන බවත් සභාපතිවරයා පැවසීය.
අසත්ය හෝ නොමඟ යවන සුළු සමාජ මාධ්ය වාර්තාවලින් නොමඟ නොයන ලෙසද ඔහු මහජනතාවගෙන් ඉල්ලා සිටියි.
