එක්සත් ජනපදය සහ ඉරානය සටන් විරාමයකට එකඟ වී දිනකටත් අඩු කාලයකදී පර්සියානු ගල්ෆ් කලාපයේ ප්‍රධාන බොරතෙල් අපනයන පර්යන්තයක් වන ඉරානයේ ලාවන් දූපතේ පිපිරීම් වාර්තා වේ.

අද(බදාදා) උදෑසන ඉරාන ජනමාධ්‍ය මෙම පිපිරීම වාර්තා කළ අතර, කලාපීය පුවත් සේවා රැසක් පසුව සිද්ධිය තහවුරු කළේය.

ඉරානයේ ජාතික ඉරාන තෙල් පිරිපහදු සහ බෙදාහැරීමේ සමාගමට අනුව, ලාවන් දූපතේ තෙල් පිරිපහදුවක් “සතුරු ප්‍රහාරයකට” ඉලක්ක කරගෙන ඇත.

දේශීය වේලාවෙන් පෙ.ව. 10:00 ට පමණ මෙම ප්‍රහාරය එක්ක කර තිබේ.

ගින්න මැඩපැවැත්වීමට සහ ස්ථානය ආරක්ෂා කිරීමට ආරක්ෂක සහ ගිනි නිවන කණ්ඩායම් වහාම යොදවා ඇති බව වාර්තා සඳහන් කළේය.

ලාවන් දූපත ඉරානයේ ප්‍රධාන බොරතෙල් අපනයන පර්යන්තවලින් එකක් වන අතර, එය දකුණු පර්සියානු ගල්ෆ් ප්‍රදේශයේ පිහිටා ඇත.

එය උපායමාර්ගිකව වැදගත් බලශක්ති මධ්‍යස්ථානයක් වේ.

මෙම සිදුවීම සිදුවන්නේ එක්සත් ජනපදය සහ ඉරානය කොන්දේසි සහිත සටන් විරාමයකට එකඟ වී ගෝලීය තෙල් නැව් මාර්ගයක් වන හෝමූස් සමුද්‍ර සන්ධිය නැවත විවෘත කිරීමෙන් පැය 24 කටත් අඩු කාලයකට පසුවය.