එක්සත් ජනපදය, ඉරානය සහ කලාපීය මැදිහත්කරුවන් මැදපෙරදිග දැනට පවතින ගැටුම සම්බන්ධයෙන් සටන් විරාමයකට එළඹීම සඳහා උත්සාහයන් වේගවත් කරමින් සිටිය ද මෙතෙක් කිසිදු එකඟතාවක් තහවුරු කර නොමැති බව වාර්තා වේ.

රොයිටර්ස් පුවත් සේවය වාර්තා කරන්නේ වොෂින්ටනය සහ ටෙහෙරාන් යන දෙපාර්ශ්වයට නව යෝජනාවක් ලබා දී ඇති අතර, එය වහාම සටන් විරාමයකට එළඹීමට සහ සඳුදා වන විට හෝමූස් සමුද්‍ර සන්ධිය නැවත විවෘත කිරීමට හේතු විය හැකි බවයි.

කෙසේවෙතත්, ඉරානය නිල වශයෙන් සැලැස්මට එකඟ වී නොමැති බව රොයිටර්ස් වාර්තා කරයි.

ස්වාධීනව තහවුරු කර නොමැති වුවද, යුද්ධය අවසන් කිරීම සඳහා පුළුල් ගිවිසුමක කොටසක් ලෙස දින 45ක සටන් විරාමයක් පිළිබඳ සාකච්ඡා ද පවතී.

මෙම සතිය මුලදී, ඉරානය පැය 48ක සටන් විරාමයක් සඳහා වූ එක්සත් ජනපද යෝජනාව ප්‍රතික්ෂේප කළ අතර, එමගින් දෙපාර්ශ්වය අතර පවතින එකඟ නොවීම් පෙන්නුම් කරයි.

සාකච්ඡා තවමත් අඛණ්ඩව සිදුවෙමින් පවතින අතර, එක්සත් අරාබි එමීර් රාජ්‍යය අවධාරණය කරන්නේ ඕනෑම ගිවිසුමක් හෝමූස් සමුද්‍ර සන්ධිය හරහා ආරක්ෂිතව ගමන් කිරීම සහතික කළ යුතු බවයි.

එසේම කලාපීය ආරක්ෂක ගැටළු විසඳිය යුතු බව ද එක්සත් අරාබි එමීර් රාජ්‍යය සඳහන් කරයි.

කෙසේවෙතත් තවමත් සටන් විරාමයක් ක්‍රියාත්මක කර නොමැත.