April 4, 2026
හෝර්මුස් සමුද්ර සන්ධිය තරණය කළ යාත්රා අතලොස්සක් අතර ප්රංශය යාත්රාවක් සහ ජපන් යාත්රාවක් එක් වූ බව සමුද්රීය ලුහුබැඳීමේ දත්ත පෙන්වා දුන්නේය.
එක්සත් ජනපදය සහ ඊශ්රායලය ඉරානයේ යුද්ධය ආරම්භ කිරීමෙන් පසු හෝර්මුස් සමුද්ර සන්ධිය හරහා ගමන් කිරීමට අවසර දී ඇති පළමු බටහිර නෞකාව ප්රංශයට අයත් යාත්රාවයි.
තෙල් සහ ද්රව ස්වාභාවික ගෑස් සඳහා අත්යවශ්ය සමුද්ර මාර්ගයක් වන මෙම මාර්ගය, යුද්ධය ආරම්භයේ සිට ඉරානය විසින් අවහිර කර ඇත.
මැරීන් ට්රැෆික් වෙබ් අඩවියට අනුව නැව් දෙකම බ්රහස්පතින්දා හෝර්මුස් සමුද්ර සන්ධිය තරණය කළේය.
ජපන් සමාගමකට අයත් නෞකාවක් ඇතුළුව ඉන්ධන නෞකා තුනක් බ්රහස්පතින්දා හෝර්මුස් සමුද්ර සන්ධිය තරණය කර තිබේ.
සමුද්ර සන්ධිය තරණය කරන විට ඔවුන්ගේ ට්රාන්ස්පොන්ඩරය මගින් විකාශනය කරන ලද පණිවිඩයේ ‘ඕමාන නෞකාවක්’ බව නැව් තුනම ඇඟවුම් කළ බව පැවසේ.
ජපාන නැව් සමාගමක් වන මිට්සුයි ඕ.එස්.කේ. විසින් සම-හිමිකාරීත්වය දරන සොහාර් එල්එන්ජී, යුද්ධය ආරම්භ වීමෙන් පසු ගල්ෆ් කලාපයෙන් පිටව ගිය පළමු ජපන් නෞකාව බව සමාගමේ ප්රකාශයක දැක්වේ.
පර්සියානු ගල්ෆ් කලාපයේ නිෂ්ක්රීයව පවතින ජපන් අනුබද්ධ නැව් 45 අතර වූ සොහාර් එල්එන්ජී නෞකාව, සමුද්ර සන්ධිය හරහා ඕමාන් බොක්ක වෙත ගමන් කර ඇත.
“අපගේ කාර්ය මණ්ඩල සාමාජිකයන්ගේ, භාණ්ඩ ප්රවාහන සහ නැව්වල ආරක්ෂාවට ප්රමුඛත්වය දෙමින් අපි අපගේ මෙහෙයුම් දිගටම කරගෙන යන්නෙමු,” යනුවෙන් සමාගමේ නිලධාරියෙක් පැවසීය.
මෙම අවස්ථාවේදී නෞකාවට සමුද්ර සන්ධිය හරහා යාත්රා කිරීමට අවසර දුන්නේ මන්දැයි නොදන්නා බව ජපාන රජයේ නිලධාරියෙක් පැවසීය.
මේ අතර, ප්රංශ සමුද්ර ප්රවාහන කණ්ඩායමක් වන සීඑම්ඒ සීජීඑම් හි මෝල්ටිස් ධජය සහිත ක්රිබි නෞකාව බ්රහස්පතින්දා දහවල් ගල්ෆ් කලාපයෙන් පිටවීම සඳහා ජල මාර්ගය තරණය කළ බව සමුද්ර ගමනාගමන දත්ත පෙන්වා දුන්නේය.
මෑතකදී හෝමූස් සමුද්ර සන්ධිය තරණය කරන වාණිජ නැව් කිහිපයක් ජල මාර්ගයේ උතුරේ ඉරාන අනුමත මාර්ගය හරහා ගමන් කර ඇත.
මාර්තු 1 වැනිදා සිට භාණ්ඩ නැව් 221ක් පමණක් හෝමූස් සමුද්ර සන්ධිය තරණය කර ඇත.
