මිල අධික සුසාන භූමි සඳහා මුදල් ගෙවීම වෙනුවට තම ආදරණීයයන්ගේ අළු හිස් මහල් නිවාසවල ගබඩා කිරීමේ ක්‍රමවේදය චීන රජය විසින් තහනම් කිරීමට සූදානම් වේ.

සුසාන භූමිවල ඉඩකඩ හිඟවීම නිසා’මිනී අළු මහල් නිවාස’ සඳහා ජනප්‍රියත්වය ඉහළ ගොස් තිබිණි.

එහෙත් නව නීතිය මගින් එය අවසන් කරනු ඇත.

අඩු දේපළ මිල ගණන් යන්නෙන් අදහස් වන්නේ බොහෝ දෙනෙකුට, අවමංගල්‍ය වියදම් සඳහා ගෙවීමට වඩා හිස් මහල් නිවාසයක ඥාතීන්ගේ අළු තැන්පත් කිරීම වඩා දැරිය හැකි බවයි.

‘විශේෂයෙන් අළු තැන්පත් කිරීම සඳහා’ නේවාසික දේපළ යොදා ගැනීම මෙන්ම සුසාන භූමිවලින් පිටත අළු තැන්පත් කිරීම සහ පාරිසරික භූමදානය තහනම් ප්‍රදේශවල අළු භූමදාන කිරීම නීති මගින් තහනම් කර ඇත.

‘මිනී අළු මහල් නිවාස’ යනු මියගිය අයගේ පවුලේ සාමාජිකයන් විසින් චාරිත්‍රානුකූල ශාලා බවට පත් කරන හිස් දේපළ වේ.

එම ස්ථානවල ඔවුන්ගේ ආදරණීයයාගේ අළු ඇතුළත තැන්පත් කර ඇති අතර එම අවකාශය මුතුන් මිත්තන්ගේ සිද්ධස්ථානයක් බවට පත් කරයි.

මහල් නිවාස බොහෝ විට සංවෘත තිර හෝ මුද්‍රා තැබූ කවුළු මගින් හඳුනාගත හැකි බව චීන මාධ්‍ය වාර්තා කර ඇත.

මෙම නවතම තහනම පැමිණෙන්නේ ක්විංමිං උත්සවයට දින කිහිපයකට පෙරය.

එය සොහොන් අතුගා දැමීමේ දිනය ලෙසද හැඳින්වේ.

එහිදී පවුල් සාම්ප්‍රදායිකව ඥාතීන්ගේ සොහොන් ගෙවල් වෙත ගොස් ඒවා පිරිසිදු කර චාරිත්‍රානුකූල පූජා ඔප්පු කරති.

මෑත වසරවලදී චීනයේ දේපළ මිල පහත වැටී ඇති අතර 2021ට වඩා 2025 දී 40%කින් පහත වැටී ඇති අඩු දේපළ මිල ගණන්වලින් ශෝකවන්නන් උපරිම ප්‍රයෝජන ගනිමින් සිටී.