රාජ්‍ය ආයතන විසින් මහජන භාවිතය සඳහා ආනයනය කරන ලද තෙල් තොග මත ඇති පීඩනය මඟහරවා ගැනීම සඳහා, වලංගු ගබඩා බලපත්‍රයක් ඇති සමාගම් 11 කට ස්වාධීනව, ඇමරිකානු ඩොලර් වලින් ඉන්ධන ආනයනය කර සැපයුම සඳහා ගෙවිය හැකි ඕනෑම පෞද්ගලික අංශයේ ආයතනයකට විකිණීමට රජය අවසර දී ඇත.

බලශක්ති අමාත්‍යාංශ ලේකම් කේ.ටී.එම්. උදයංග හේමපාල විසින් මාර්තු 17 වැනි දින යවන ලද ලිපියක ලැයිස්තුගත කර ඇති සමාගම්වලට, ඩීසල්, අඩු සල්ෆර් ඉන්ධන සහ ඉහළ සල්ෆර් ඉන්ධන ඇතුළු ඉන්ධන, අපනයනකරුවන්ට, විදුලිබල උත්පාදන සමාගම්වලට, ලියාපදිංචි සංචාරක සේවා සපයන්නන්ට, බලපත්‍රලාභී විදුලි සංදේශ සපයන්නන්ට සහ (ඕනෑම) වෙනත් කර්මාන්තවලට මාර්තු 17 වැනි දින සිට මාස තුනක් සඳහා ඉන්ධන විකිණීමට අවසර දී ඇත.

කෙසේවෙතත්, අභ්‍යන්තර ප්‍රවාහන අංශය මෙම විශේෂ පහසුකම සඳහා සුදුසුකම් නොලබන බව ලිපියේ සඳහන් වේ.

මෙලෙස අවසර දී ඇති සමාගම් වන්නේ;

– ලංකා ඕඅයිසී
– ලංකා මැරීන් සර්විසස් පෞද්ගලික සමාගම
– ලංකා මැරිටයිම් සර්විසස් පෞද්ගලික සමාගම
– ලංකා බන්කරින් සර්විසස් පෞද්ගලික සමාගම
– මොසෙටි ඉන්ටර්නැෂනල් පෞද්ගලික සමාගම
– ඉන්ටර් ඕෂන් එනර්ජි පෞද්ගලික සමාගම
– මැක්මැරයින් පෞද්ගලික සමාගම
– සිනොපෙක් ඔයිල් ලංකා පෞද්ගලික සමාගම
– ස්පෙන්ස් සී හෝස් මැරීන් පෞද්ගලික සමාගම
– සර්ඩකා ග්ලෝබල් පෞද්ගලික සමාගම
– හෝක්ස් කොළඹ පෞද්ගලික සමාගම
– ෆිට්ස්ඔයිල් පෞද්ගලික සමාගම

බටහිර ආසියාවේ ඇති වූ කැළඹිලි සහිත තත්ත්වය මත, ඉන්ධන සැපයුම් අර්බුදය හේතුවෙන් පෞද්ගලික අංශයේ ඉන්ධන අලෙවියට අවසර දීමට රජය පියවර ගනු ලැබුවේ, මාර්තු 11 වන දින ලංකා වාණිජ මණ්ඩලය විසින් රජයට ඉදිරිපත් කරන ලද යෝජනාවකට අනුවය.