කුලියාපිටියේදී හිස්වැස්මකින් තවත් යතුරුපැදිකරුවකුට පහරදීමේ සිඉධියක් සම්බන්ධයෙන් අත්අඩංගුවට ගත් යතුරුපැදිකරු මෙරට ලියාපදිංචි අපරාධකරුවකු ලෙස හඳුනාගෙන ඇති බව පොලිසිය පවසයි.

රථවාහන පාලනය සහ මාර්ග ආරක්ෂාව අධීක්ෂණය කරන නියෝජ්‍ය පොලිස්පති ඩබ්ලිව්. පී. ජේ. සේනාධීරට අනුව, පරීක්ෂණවලින් හෙළි වී ඇත්තේ සැකකරු කුලියාපිටියේ පදිංචිකරුවකු බවයි.

ඔහු මත්ද්‍රව්‍ය පරීක්ෂණයකට භාජනය කරන ලද අතර, වැඩිදුර පරීක්ෂණ වලදී ඔහුගේ අපරාධ වාර්තාව තහවුරු වී තිබේ.

සැකකරු තවමත් අත්අඩංගුවේ පසුවන බවත්, ඔහුගේ පසුබිම සහ පහරදීමට සම්බන්ධ වීම පිළිබඳ පොලිසිය පරීක්ෂණ අඛණ්ඩව කරගෙන යන බවත් නියෝජ්‍ය පොලිස්පති සේනාධීර පැවසීය.

සැකකරු කාන්තාවක් සමඟ ගමන් කරමින් සිටියදී කුලියාපිටිය මීගහකොටුව හන්දියේදී තවත් යතුරුපැදිකරුවකුට පහර දුන් ආකාරය දැක්වෙන CCTV දර්ශන මත පදනම්ව අත්අඩංගුවට ගැනීම සිදුකර තිබිණි.