March 19, 2026
ඕස්ට්රේලියානු සරණාගතභාවය සඳහා වූ අවස්ථාව අත්හැර දැමූ ඉරාන ජාතික කාන්තා පාපන්දු කණ්ඩායමේ සාමාජිකාවන් පස් දෙනෙකු කණ්ඩායමේ සෙසු සාමාජිකාවන් සමඟ නැවත මව්රට බලා පැමිණ තිබේ.
මැලේසියාව සහ ඕමානය හරහා පියාසර කර බදාදා දහවල් තුර්කියේ සිට ඔවුන් ඉරානයට ඇතුළු වූ බවත් කණ්ඩායම ඔවුන්ගේ කණ්ඩායම් ඇඳුම්වලින් සැරසී සිටි බවත් වාර්තා වේ.
ආසියානු කුසලාන ආරම්භක තරඟයේදී ඉරානයේ ජාතික ගීය අතරතුර නිහඬව සිටීම නිසා ප්රතිවිපාකවලට මුහුණ දීමට සිදුවනු ඇතැයි යන බියෙන් පසුව, ක්රීඩිකාවන් ගණනාවක් මුලින් ඕස්ට්රේලියාවේ රැඳී සිටීමට මානුෂීය වීසා ඉල්ලා සිටියහ.
මානව හිමිකම් ක්රියාකාරීන් පවසා ඇත්තේ ඔවුන්ගේ පවුල්වලට මතු වූ තර්ජන හේතුවෙන් තම තීරණ ආපසු හැරවීමට ඔවුන්ට බලපෑම් එල්ල වී ඇති බවයි.
කණ්ඩායම අඟහරුවාදා දේශීය වේලාවෙන් දහවල් නැගෙනහිර තුර්කියේ ඉග්දිර් වෙත ගොඩ බැස තිබිණි.
සවස් කාලයේ රේගු සහ විදේශ ගමන් බලපත්ර නිශ්කාශනයෙන් පසු ඔවුන් පොලිස් ආරක්ෂාව යටතේ ගුවන් තොටුපළෙන් හෝටලයකට පිටත්ව ගිය බව තුර්කි මාධ්ය වාර්තා කළේය.
සරණාගතභාවය සඳහා වූ අවස්ථාව අත්හැර දැමූ ක්රීඩිකාවන් තිදෙනා ඉරාන ඩයස්පෝරාවේ ක්රියාකාරීන් විසින් සහරා සොල්ටන් මෙෂ්කෙක්කාර්, මොනා හමූඩි සහ සහරා සර්බාලි ලෙස හඳුනාගෙන තිබිණි.
ඉරාන රාජ්ය මාධ්ය වාර්තා කළේ නායිකා සහරා ගන්බාරි ද ඔවුන්ගේ අදහස් වෙනස් කළ අය අතර සිටින අතර පස්වැනි ක්රීඩිකාව තවමත් නම් කර නොමැති බවයි.
සමාව ලබා දී ඇති තවත් දෙදෙනෙකු පමණක් පලාගිය අය ලෙස හඳුනාගෙන ඇත.
මාර්තු 2 වැනිදා එක්සත් ජනපදය සහ ඊශ්රායලය ඉරානයට එරෙහිව යුද්ධය ආරම්භ කර දින කිහිපයකට පසු, ජාතික ගීය අතරතුර දැක්වූ නිහඬතාව හේතුවෙන් දඬුවම් ලැබිය යුතු ‘ද්රෝහීන්’ ලෙස රාජ්ය රූපවාහිනියේ නිවේදකයකු ඔවුන් හැඳින්වීමේ දර්ශන මතුවීමෙන් පසු කණ්ඩායමේ ආරක්ෂාව පිළිබඳ කණස්සල්ල වැඩි විය.
ක්රීඩිකාවෝ ඉවත් වීමට පෙර ඔවුන්ගේ ඊළඟ තරඟ දෙකේදී ජාතික ගීය ගායනා කළහ.
තරඟාවලිය අතරතුර ඔවුන් සමඟ පැමිණි රජයේ නිලධාරීන් විසින් ඔවුන්ට ජාතික ගීය ගායනා කරන ලෙස පැවසූ බව විචාරක මතයයි.
ඕස්ට්රේලියාවේ ස්වදේශ කටයුතු අමාත්ය ටෝනි බර්ක් පසුව තහවුරු කළේ ඕස්ට්රේලියාවේ රැඳී සිටීමට අවශ්ය ක්රීඩිකාවන් පස් දෙනෙකු ඔවුන් නවාතැන් ගෙන සිටි ගෝල්ඩ් කෝස්ට් හෝටලයෙන් පොලිසිය විසින් ආරක්ෂිත ස්ථානයකට රැගෙන ගිය බවයි.
ආරක්ෂිත ස්ථානයේ දී කාන්තාවන් හමුවී මානුෂීය වීසා සඳහා අයදුම්පත් සඳහා අත්සන් කළ බව බර්ක් පැවසීය.
තවත් කාන්තාවන් දෙදෙනෙක් පසුව කණ්ඩායමට එක්ව තිබිණි.
නමුත් ඇතැමුන් තම අදහස් වෙනස් කිරීමට පටන් ගත් පසු, බර්ක් පැවසුවේ ඕස්ට්රේලියානු රජයට ‘ක්රීඩිකාවන් මෙම ඇදහිය නොහැකි තරම් දුෂ්කර තීරණ ගන්නා සන්දර්භය ඉවත් කළ නොහැකි’ බවයි.
ඔවුන් ඔවුන්ගේ ජාතික ආත්මය සහ දේශප්රේමය හරහා ඔවුන්ට එරෙහිව ‘සතුරාගේ සැලසුම් පරාජය කළ’ බවත්, ඕස්ට්රේලියානු රජය ‘ට්රම්ප්ගේ පිටියේ සෙල්ලම් කරන’ බවටත් ඉරානයේ ක්රීඩා අමාත්යාංශය චෝදනා කරයි.
ඉරාන විප්ලවීය බලකායට අනුබද්ධ ප්රවෘත්ති ඒජන්සිය වන ටස්නිම් මේ අතර වාර්තා කළේ ක්රීඩිකාවන් ඕස්ට්රේලියාවේදී ‘මනෝවිද්යාත්මක යුද්ධ, පුළුල් ප්රචාරණ සහ ආකර්ෂණීය දීමනා’වලට මුහුණ දී ඇති බවයි.
