March 14, 2026
උතුරු කොරියාව විසින් මුහුද දෙසට අද මිසයිලයක් එල්ල කළ බව දකුණු කොරියාව සහ ජපානය පවසයි.
එය බැලස්ටික් මිසයිලයක් විය හැකි බව ටෝකියෝවේ අදහසයි.
එක්සත් ජනපදය සහ දකුණු කොරියාව ද මීට පෙර හමුදා අභ්යාස පවත්වා තිබු අතර උතුරු කොරියාවේ නැගෙනහිර වෙරළට ඔබ්බෙන් මුහුද දෙසට මිසයිලය එල්ල කළ බව දකුණු කොරියානු හමුදාව වාර්තාකරුවන්ට කෙටි පණිවිඩයක් නිකුත් කරමින් පවසා තිබිණි.
එමගින් වැඩිදුර විස්තර ලබා දී තිබුණේ නැත.
ජපානයේ වෙරළාරක්ෂක බලකාය පැවසුවේ මිසයිලය මුහුදට වැටී ඇති බවක් පෙනෙන්නට ඇති බවයි.
එය ජපානයේ සුවිශේෂී ආර්ථික කලාපයෙන් පිටත වැටී ඇති බවක් පෙනෙන්නට ඇති බව ආරක්ෂක අමාත්යාංශ මූලාශ්ර උපුටා දක්වමින් ජපානයේ NHK රූපවාහිනිය වාර්තා කළේය.
දින පහකට පෙර එක්සත් ජනපදය සහ දකුණු කොරියාව ප්රධාන අභ්යාස දියත් කළ අතර, ඒවා තනිකරම ආරක්ෂක යැයි ඔවුන් සඳහන් කර තිබිණි.
එසේම උතුරු කොරියාවෙන් එල්ල වන මිලිටරි තර්ජනවලට එරෙහි සූදානම පරීක්ෂා කිරීම ද අභ්යාසයෙන් අරමුණු කර තිබිණි.
න්යෂ්ටික අවි සහිත උතුරු කොරියාව එවැනි අභ්යාස කෙරෙහි තම විරෝධතා නිතර ප්රදර්ශනය කරන අතර, ඒවා මිත්ර පාක්ෂිකයන්ගේ සන්නද්ධ ආක්රමණය සඳහා පෙරහුරු බවට චෝදනා කරයි.
2019 සිට අත්හිටුවා ඇති උතුර සමඟ සංවාදය නැවත විවෘත කිරීමේ ක්රම සාකච්ඡා කිරීම සඳහා දකුණු කොරියානු අගමැතිනිය බ්රහස්පතින්දා වොෂින්ටනයේදී එක්සත් ජනපද ජනාධිපති ඩොනල්ඩ් ට්රම්ප් ද හමු වී තිබිණි.
