රැප් ගායකයකුව සිට දේශපාලනඥයකු බවට පත් වූ බාලේන්ද්‍ර ‘බැලන්’ ෂා නේපාලයේ මීළඟ අගමැතිවරයා ලෙස පත්වීමට නියමිතය.

තරුණයන් විසින් මෙහෙයවන ලද දැවැන්ත විරෝධතා නේපාලයේ දේශපාලනය නැවත හැඩගස්වා මාස කිහිපයකට පසු පැවති රටේ මහ මැතිවරණයෙන් ඔහුගේ පක්ෂය ඉදිරියට පැමිණීමත් සමග ඔහු එම ධුරයට පත්වනු ඇත.

හිටපු රැප් ගායකයෙකු සහ කත්මණ්ඩුහි හිටපු නගරාධිපතිවරයා වූ 35 හැවිරිදි ෂාගේ රාස්ත්‍රිය ස්වාධීන පක්ෂය, මුල් ඡන්ද ගණන් කිරීම්වලදී දැවැන්ත ජයග්‍රහණයක් කරා ගමන් කරමින් සිටියේය.

නේපාල කොංග්‍රසය සහ නේපාල කොමියුනිස්ට් පක්ෂය ඇතුළු නේපාලයේ සාම්ප්‍රදායික දේශපාලන බලවේගයන්ට වඩා ඔහුගේ පක්ෂය බොහෝ ඉදිරියෙන් සිටී.

2025 සැප්තැම්බර් මාසයේ GEN Z නායකත්වයෙන් යුත් විරෝධතාවලින් පසු පළමු ජාතික ඡන්දය ලෙස මෙම මැතිවරණය සනිටුහන් වේ.

විරෝධතාවලින් පසු එවක අගමැති කේ.පී. ෂර්මා ඔලි ඉල්ලා අස්විය.

දූෂණයට සහ ආර්ථිකය එකතැන පල්වීමට එරෙහිව පියවර ගන්නා ලෙස ඉල්ලා සිටි නේපාල තරුණයන් විසින් මෙහෙයවන ලද පෙලපාලි, මාස හයක් ඇතුළත මැතිවරණයක් පොරොන්දු වූ අන්තර්කාලීන රජයක් පිහිටුවීමට හේතු විය.

ෂා ගේ නැගීම නේපාල දේශපාලනයේ පරම්පරා මාරුවක් පිළිබිඹු කරයි.

හිප්-හොප් සංගීතය සඳහා කලින් ප්‍රසිද්ධ වූ ඔහු ස්වාධීන පුද්ගලයකු ලෙස දේශපාලනයට පිවිසි අතර 2022 දී කත්මණ්ඩු නගරාධිපති සටන ජයග්‍රහණය කිරීමෙන් දේශපාලන ලෝකය මවිතයට පත් කළේය.

ඔහුගේ මැතිවරණ ව්‍යාපාරය විනිවිදභාවය, දූෂණ විරෝධී ප්‍රතිසංස්කරණ සහ වඩා හොඳ පාලනය කෙරෙහි අවධානය යොමු කළේය.

2026 මැතිවරණයට පෙර, ෂා රාස්ත්‍රිය ස්වාධීන පක්ෂයට සම්බන්ධ වී එහි අගමැති අපේක්ෂකයා ලෙස මැතිවරණයට ඉදිරිපත් විය.

මුල් ප්‍රතිඵලවලින් පෙන්නුම් කළේ නියෝජිත මන්ත්‍රී මණ්ඩලයේ සෘජුවම තරඟ කළ ආසන 165න් 100කට වැඩි සංඛ්‍යාවක පක්ෂය ඉදිරියෙන් සිටින බවත්, ඊළඟ රජයට නායකත්වය දීමට ෂාට මඟ පෙන්වන බවත්ය.

නේපාලයේ දිගු කලක් ආධිපත්‍යය දැරූ දේශපාලන ප්‍රභූවරු සහ නිතර නිතර සිදුවන රජයේ වෙනස්කම් ගැන කලකිරී සිටින තරුණ ඡන්දදායකයන් විසින් ෂාගේ ජනප්‍රියතාව බොහෝ දුරට වැඩි කර ඇත.

රටේ සුදුසුකම් ලත් ඡන්දදායකයන් මිලියන 19න් අඩක් පමණ වයස අවුරුදු 45ට අඩු අය වන අතර, තරුණයන් විසින් මෙහෙයවනු ලබන ව්‍යාපාරවලට මැතිවරණයේදී සැළකිව යුතු බලපෑමක් ලබා දෙයි.

ධුරය තහවුරු වුවහොත්, ෂා නේපාලයේ ළාබාලතම අගමැතිවරයකු බවට පත්වන අතර පෙර රජය පෙරළා දැමීමට උදව් කළ GEN Z ක්‍රියාකාරීන්ගේ වැඩෙන දේශපාලන බලපෑමේ සංකේතයක් වනු ඇත.