ඉරාන යුද නෞකාවක් වන IRIS Dena වෙත ඇමරිකානු ප්‍රහාරයක් එල්ල වීමේ සිදුවීමට දින කිහිපයකට පෙර, තාක්ෂණික ගැටළු හේතුවෙන් සහාය ඉල්ලා සිටි තවත් ඉරාන නෞකාවකවකට කොචි හි නැංගුරම් ලෑමට ඉන්දියාව අවසර දී ඇති බව එරට රජයේ ආරංචි මාර්ග පැවසීය.

මූලාශ්‍රවලට අනුව, කලාපයේ ක්‍රියාත්මක වන අතරතුර තාක්ෂණික ගැටළු වාර්තා කිරීමෙන් පසු IRIS Lavan නෞකාවට කොචි වරායට ඇතුළු වීමට අවසර ඉල්ලමින් ඉරානය පෙබරවාරි 28 වැනිදා ඉන්දියාවට පැමිණ තිබේ.

අන්තර්ජාතික නාවික බලඇණි සමාලෝචනය සඳහා කලාපයට යාත්‍රා කළ කණ්ඩායමට මෙම නෞකාව අයත් බව ආරංචි මාර්ග පැවසීය.

එම ආරංචි මාර්ග සඳහන් කළේ තාක්ෂණික ගැටළු විසඳීම සඳහා නෞකාවට කොචි හි හදිසි නැංගුරම් ලෑමක් අවශ්‍ය බව ඉරාන ඉල්ලීමේ සඳහන් බවයි.

මාර්තු 1 වැනිදා ඉන්දීය බලධාරීන් විසින් නැව් තටාකගත කිරීම සඳහා අනුමැතිය ලබා දී තිබේ.

පසුව නෞකාව මාර්තු 4 වැනිදා කොචි වෙත පැමිණ නැංගුරම් ලෑමට තීරණය කළ බව ආරංචි මාර්ග පවසයි.

මේ අතර, නෞකාවේ කාර්ය මණ්ඩල සාමාජිකයන් 183 දෙනා කොචි හි ඉන්දියානු නාවික මධ්‍යස්ථානයක නවාතැන් ගෙන ඇති බව වාර්තා වේ.

“ශ්‍රී ලංකාවට දකුණින් පිහිටි IRIS Dena නෞකා සිදුවීමට දින කිහිපයකට පෙර, අන්තරජාතික නාවික බලඇණි සමාලෝචනය සඳහා කලාපයේ රැඳී සිටි ඉරාන නෞකාවක් වන IRIS Lavan භාර ගන්නා ලෙස ඉල්ලීමක් ඉරානයෙන් ඉන්දියාවට ඉදිරිපත් විය,” යනුවෙන් ඉන්දීය රජයේ ආරංචි මාර්ග පැවසීය.

“මෙම ඉල්ලීම 2026 පෙබරවාරි 28 වැනිදා ලැබුණු අතර, එයින් පෙන්නුම් කළේ නෞකාවේ තාක්ෂණික ගැටළු ඇති වී ඇති බැවින් කොචි හි නැව් තටාකයක හදිසි අවශ්‍යතාවක් ඇති බවයි. මාර්තු 1 වැනිදා නැව් තටාකගත කිරීම සඳහා අනුමැතිය ලබා දෙන ලදී. එතැන් සිට IRIS Lavan මාර්තු 4 වැනිදා කොචි හි නැව් තටාකගත කර ඇත. මෙම සන්දර්භය තුළ, එහි කාර්ය මණ්ඩලය 183 දෙනෙකු දැනට කොචි හි නාවික මධ්‍යස්ථානවල නවාතැන් ගෙන ඇත,” යනුවෙන් එම ආරංචි මාර්ග වැඩිදුරටත් පැවසීය.

බදාදා IRIS Dena නෞකාව ගිලී යෑම සිදු වූයේ ඉරානයට එරෙහිව එක්සත් ජනපද-ඊශ්‍රායල් ඒකාබද්ධ ප්‍රහාර හේතුවෙන් ඇති වූ යුද්ධය මැද පෙරදිග සහ ඉන් ඔබ්බට ව්‍යාප්ත වීමත් සමඟ ය.

ඉරාන විදේශ අමාත්‍ය අබ්බාස් අරග්චි ප්‍රහාරය හෙළා දුටු අතර එවැනි පූර්වාදර්ශයක් ස්ථාපිත කිරීම ගැන වොෂින්ටනය ‘දැඩි ලෙස කණගාටු වනු ඇති’ බවට අනතුරු ඇඟවීය.

ඉරානයේ වෙරළට සැතපුම් 2,000ක් දුරින් මුහුදේදී එක්සත් ජනපදය මෙම සාහසික ක්‍රියාවක් සිදු කර ඇත.

“ඉන්දියානු නාවික හමුදාවේ අමුත්තකු වූ, නැවියන් 130කට ආසන්න සංඛ්‍යාවක් රැගත් IRIS Dena නෞකාවට අනතුරු ඇඟවීමකින් තොරව අන්තර්ජාතික මුහුදේදී පහර දෙන ලදී,” යනුවෙන් ඔහු X හි පළ කළේය.

“මගේ වචන මතක තබාගන්න: එක්සත් ජනපදය තමන් තැබූ පූර්වාදර්ශය ගැන දැඩි ලෙස කණගාටු වනු ඇත,” යනුවෙන් අරග්චි තවදුරටත් පැවසීය.

ඇමරිකානු සබ්මැරීනයක් ඉරාන නෞකාවට පහර දී ගිල්වා දැමීමෙන් දිනකට පසු, ශ්‍රී ලංකාව විසින් පසුගිය බ්‍රහස්පතින්දා ඉරාන නාවික නෞකාවක කාර්ය මණ්ඩල සාමාජිකයන් 208 දෙනෙකු එම නෞකාවෙන් ඉවත්කර ගැනීමට කටයුතු කර තිබිණි.