මොරටුව බස් නැවතුම අසල නවතා තිබූ ත්‍රිරෝද රථයක තිබී කැපුම් තුවාල සහිත මොරටුමුල්ලේ පදිංචි අයකුගේ මළසිරුර සොයාගත් බව මොරටුව පොලිසිය පවසයි.

රාත්‍රී 7.30 පමණ 119 හදිසි ඇමතුම් අංකය ඔස්සේ ලද තොරතුරකට අනුව නිලධාරි කණ්ඩායමක් එම ස්ථානයට ගොස් පරීක්ෂා කිරීමේදී බස් නැවතුම්පළ අසල නවතා තිබූ ත්‍රී රෝද රථයක පිටුපස අසුනේ තිබී මෙම මළසිරුර සොයාගත් බව පැවසේ.

ඔහුගේ සිරුරේ දරුණු කැපුම් තුවාල දක්නට ලැබෙන අතර මෙම පුද්ගලයා වෙනත් ස්ථානයකදී කපාකොටා ඝාතනය කොට මෙම ස්ථානයට ගෙනැවිත් දමන්නට ඇති බවට පොලිසිය සැකකරයි.

මියගිය පුද්ගලයා මොරටු මුල්ල ප්‍රදේශයේ ‘සුරා’ නමින් හඳුන්වන පුද්ගලයකු බවට මේ වන විට හඳුනාගෙන ඇති අතර ඔහු වෙඩි තබා මනුෂ්‍ය ඝාතනයකට සම්බන්ධ සැකකරුවකු බවත්, ඔහුට එරෙහිව දැනට මොරටුව මහේස්ත්‍රාත් අධිකරණයේ නඩුවක් ඇති බවත් පොලිසිය කියයි.