ශ්‍රී ලංකාවේ උපන් බේකරිකරුවකු වන 43 හැවිරිදි සිතම්පරපිල්ලෙයි ජෙගතීපන් ප්‍රංශයේ කීර්තිමත් ග්‍රොන් ප්‍රී ඩි ලා බැගුවේට් ජයග්‍රහණය කර තිබේ.

ඒ, පැරිසියේ හොඳම සාම්ප්‍රදායික බෑගට් යන අංශය යටතේය.

ඔහුගේ බේකරිය වන ලෙ ෆෝර්නිල් ඩි ඩිඩොට්, එහි ‘බගුවේට් සම්ප්‍රදාය’ අංශය සඳහා ඉදිරිපත් වූ තරඟකරුවන් 142 ක් අභිබවා ජයග්‍රහණය කළ අතර, රසය, සුවඳ, කබොල ආදී කරුණු පිළිබඳ විනිසුරුවන් විශ්මයට පත් කර තිබිණි.

“මෙය මගේ පළමු අවස්ථාවයි. මම ජයග්‍රහණය කළා,” නිවේදනයෙන් පසු ජෙගතීපන් පැවසීය.

යුරෝ 4,000ක ත්‍යාගයට අමතරව, ජනාධිපති එමානුවෙල් මැක්‍රොන්ගේ නිල නිවස වන එලිසී මාලිගයට බෑගට් සැපයීමේ ගෞරවය මෙම ජයග්‍රහණය හරහා ලැබේ.

සම්මානයට සාම්ප්‍රදායිකව ප්‍රංශ රාජ්‍ය නායකයා සමඟ හමුවක්ද ඇතුළත් බව ජෙගතීපන් සතුටින් විස්තර කළේය.

ශ්‍රී ලංකාවේ උපත ලැබූ ජෙගතීපන් 2003 දී ප්‍රංශයට පැමිණියේය.

ඔහු මුලින් අවන්හල් කර්මාන්තයේ විවිධ රැකියාවල නිරත වූ අතර පසුව බේකරි නිෂ්පාදන සැකසීමට ආශාවක් ඇති කර ගත්තේය.

ඔහු 2022 දී ලෙ ෆෝර්නිල් ඩි ඩිඩොට් අවහන්හල භාර ගත්තේය.

අද, ඔහු සහ ඔහුගේ කණ්ඩායම දිනකට බෑගට් 650ක් පමණ පුළුස්සති.

සෑම රොටියක්ම සෙල්සියස් අංශක 270කින් විනාඩි 20ක් පුළුස්සනු ලැබේ.