දිත්වා සුළි කුණාටුවෙන් පීඩාවට පත්වූ ජනතාවට වන්දි ගෙවීම දෙසැම්බර් 31 වනදා වනවිට අවසන් කළ යුතු බව පැවසුනද මේ දක්වා එම කටයුතු සිදුවෙමින් පවතින බව එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවී කරුණානායක පාර්ලිමේන්තුවේදී පැවසුවේය.

ඒ අනුව තවදුරටත් වන්දි නොලැබූ එහෙත් වන්දි ලැබීම සඳහා සුදුසුකම් ලබා සිටින පිරිස කොපමණදැයි ස්ථාවර නියෝග 26(2) යටතේ රජයේ හදිසි ප්‍රකාශයක් ඉල්ලා මන්ත්‍රීවරයා විමසීමක් සිදු කර තිබේ.

ඔහු පැවසුවේ එය කාණ්ඩ සහ දිස්ත්‍රික් අනුව බෙදා ඉදිරිපත් කරන ලෙස ද මන්ත්‍රීවරයා ඉල්ලා සිටියේය.

එමෙන්ම ඔහු පෙන්වා දුන්නේ සත්‍යාපන ප්‍රමාද, ලේඛන ගැටලු, බැංකු සීමා හෝ මුදල් හිඟ වැනි ප්‍රමාදයට බලපා ඇති ප්‍රධාන හේතූන් ද අපේක්ෂා කරන බවයි.