‘රටම එකට’ ජාතික මෙහෙයුම යටතේ ශ්‍රී ලංකා නාවික හමුදාව ඊයේ (පෙබරවාරි 14) මන්නාරම දකුණු මුහුදු ප්‍රදේශයේ මෙහෙයුමක් සිදුකළ අතර, එහිදී මත්ද්‍රව්‍ය බවට සැකකෙරෙන ගෝනි දෙකක් (02) රැගෙන යන ඩිංගි යාත්‍රාවක් (01) අත්අඩංගුවට ගෙන තිබේ.

පසුව සැකකරුවන් සහ තොගය මන්නාරමේ තාල්පාඩු ජැටිය වෙත ගෙන එන ලද අතර, එහිදී පොලිස් මත්ද්‍රව්‍ය කාර්යාංශය විසින් විශේෂඥ පරීක්ෂණයක් පවත්වන ලදී.

ගෝනි දෙකෙහි කිලෝග්‍රෑම් 50 කට වඩා බර හෂීස් තොගයක් අඩංගු බව විශ්ලේෂණයෙන් තහවුරු විය.

සැකකරුවන්, ඩිංගි යාත්‍රාව සහ අත්අඩංගුවට ගත් හෂීස් වැඩිදුර විමර්ශන සහ නීතිමය කටයුතු සඳහා පොලිස් මත්ද්‍රව්‍ය කාර්යාංශයට භාරදී ඇත.