February 14, 2026
අධ්යයන පොදු සහතික පත්ර සාමාන්ය පෙළ විභාගය පැවැත්වෙන කාලසීමාව තුළ ඇතැම් ප්රදේශවලට සාමාන්ය වර්ෂාපතනයක් අපේක්ෂා කරන බැවින්, අවදානම් සහිත පාසල් පිළිබඳ තොරතුරු අදාළ කලාප සහ දිස්ත්රික් අධ්යාපන කාර්යාල වෙත ලබා දී ඇති බව ජාතික ගොඩනැගිලි පර්යේෂණ සංවිධානය පවසයි.
අහිතකර කාලගුණික තත්වයන් තුළ එවැනි පාසල් කළින් නිකුත්කරන ලද උපදෙස් අනුගමනය කළ යුතු බවට එම සංවිධානයේ ජ්යෙෂ්ඨ භූ විද්යාඥ ආචාර්ය වසන්ත සේනාධීර උපදෙස් දෙයි.
මාර්ග, පාසල් සහ ජනතාව එක්රැස් වන ප්රදේශ භාවිතය සම්බන්ධයෙන් මාර්ගෝපදේශ පිළිපැදීමෙන් තම ආරක්ෂාව සහතික කරන ලෙස ඔහු තවදුරටත් මහජනතාවගෙන් ද ඉල්ලා සිටියි.
අ.පො.ස. සාමාන්ය පෙළ විභාගය පෙබරවාරි 17 සිට පෙබරවාරි 26 දක්වා පැවැත්වීමට නියමිතය.
මේ අතර, කාලගුණ විද්යා දෙපාර්තමේන්තුව ප්රකාශ කළේ, හෙට සිට ගිනිකොනදිග බෙංගාල බොක්ක ප්රදේශයට ඉහළින් අඩු පීඩන ප්රදේශයක් වර්ධනය වීමට ඉඩ ඇති බවයි.
ඒ අනුව ඒ සම්බන්ධයෙන් විමසිලිමත් වන ලෙසත්, මේ සම්බන්ධයෙන් නිකුත් කරන ලද ඉදිරි අනාවැකි සහ නිවේදන කෙරෙහි දැඩි අවධානයක් යොමුකරන ලෙසත් කාලගුණ විද්යා දෙපාර්තමේන්තුව මහජනතාවගෙන් ඉල්ලීමක් කරයි.
