වසර ගණනාවක් පුරා පැවති නීතිමය සටනක් අවසන් කරමින් හොංකොං හි හිටපු මාධ්‍ය අධිපතියකු වන ජිමී ලායිට වසර 20ක සිර දඬුවමක් නියම වී තිබේ.

2020 දී බීජිං අර්ධ ස්වයං පාලන හොංකොං වෙත ජාතික ආරක්ෂක නීතියක් පැනවූ දා සිට චෝදනා එල්ල වූ ඉහළම මට්ටමේ රජයේ විවේචකයන් අතර 78 හැවිරිදි ප්‍රකෝටිපතියා ද විය.

දිගු දඬුවම යටතේ ඔහුගේ වයස අනු ගණන් වනතුරු ලායිට පැරෝල් සමාව සඳහා සුදුසුකම් නොලැබෙනු ඇත.

එක්සත් ජනපද ජනාධිපති ඩොනල්ඩ් ට්‍රම්ප් ඇතුළු බටහිර ලෝක නායකයන් විසින් සමීපව නිරීක්ෂණය කරන ලද මෙම සන්ධිස්ථානීය නඩු විභාගය අවසන් වුවත් මාධ්‍ය අධිපතියා නිදහස් කිරීම සඳහා අන්තර්ජාතික ඉල්ලීම් ඉදිරිපත් වනු ඇත.

මන්ද ට්‍රම්ප් මීට පෙර ‘ඔහුව එළියට ගැනීමට’ පොරොන්දු වී තිබිණි.

ට්‍රම්ප් ඉදිරි මාසවලදී තම සහචරයා වන ෂී ජින්පින් හමුවීමට චීනයට යෑමට අපේක්ෂා කරන අතර සිරගත කර සිටින ජිමී ලායිගේ නඩුව මතු කිරීමට ලායිගේ ආධාරකරුවන් බොහෝ දෙනෙක් ඔහුට බලපෑම් කරනු ඇත.

හොංකොං හි හැකිලෙන නිදහස සම්බන්ධයෙන් ලායිගේ විවෘත ප්‍රකාශය සහ දැනට අක්‍රියව පවතින දැඩි ප්‍රජාතන්ත්‍රවාදී ටැබ්ලොයිඩ් පුවත්පතක් වන ඇපල් ඩේලි හි නිර්මාතෘ ලෙස ඔහුගේ භූමිකාව, දිගු කලක් තිස්සේ ඔහුව බීජිං වෙත හිසරදයක් බවට පත් වී තිබිණි.

වසර ගණනාවක් පුරා පැවති අධිකරණ සටනකින් පසු දෙසැම්බර් මාසයේදී ජාතික ආරක්ෂක චෝදනා දෙකකට සහ රාජද්‍රෝහී චෝදනාවකට ඔහු වැරදිකරු විය.

සුදු පැහැති ජැකට්ටුවකින් සැරසී පැමිණ සිටි ලායි, දඬුවම ඇසූ විට මඳක් සිනාසුණු බව විදෙස් මාධ්‍ය වාර්තා කරයි.

අධිකරණ සැසිය ආරම්භ වීමට පෙර, ඔහු අධිකරණ ගැලරියේ වාඩි වී සිටි අයට ආචාර කිරීමට තම දෑත් එක්කර දඬුවම් නියම වීමට සිටි ඇපල් ඩේලි පුවත්පතේ හිටපු සගයන් හය දෙනෙකු බැලීමට හැරී ගියේය.

එම සගයන් ද සිරගත කරන ලද අතර, ඔවුන්ට මාස 9 සිට වසර 6 සිට දක්වා සිර දඬුවම් නියම විය.

ඇපල් ඩේලි සහ එහි අනුබද්ධ සමාගම්වලට හොංකොං ඩොලර් මිලියන 6ක දඩයක් නියම කරන ලදී.

ලායිගේ සිරගත කිරීම දේශපාලනික වශයෙන් අභිප්‍රේරණය වූවක් හෝ මාධ්‍ය නිදහසට පහරදීමක් බවට එල්ල වන චෝදනා බීජිං සහ හොංකොං රජයන් ප්‍රතික්ෂේප කර තිබේ.