අන්තර්ජාතික ක්‍රිකට් කවුන්සිලය විසින් ICC 19න් පහළ පිරිමි තරඟාවලියේ කණ්ඩායම නම් කර තිබේ.

ශ්‍රී ලංකාව නියෝජන කරමින් කණ්ඩායමට ඇතුළත්ව සිටින්නේ විරාන් චමුදිතයි.

19න් පහළ ක්‍රිකට් ලෝක කුසලාන ශූරයන් වන ඉන්දියාවෙන් ක්‍රීඩකයන් තිදෙනෙකු කණ්ඩායමට නම්කර සිටින අතර එක් අයකු වන්නේ වෛභව් සූර්යවංශි ය.

එංගලන්තයට එරෙහිව අවසන් මහා තරඟයේදී පන්දු 80කින් විශිෂ්ට ලකුණු 175ක් රැස් කර පසුව තරඟාවලියේ ක්‍රීඩකයා ලෙස කිරුළු පැළඳි සූර්යවංශි, 12 දෙනෙකුගෙන් යුත් සංචිතයට ඉන්දීය ක්‍රීඩකයන් වන කනිෂ්ක් චෞහාන් සහ හෙනිල් පටෙල් සමඟ එක්වනු ඇත.

චෞහාන් පිත්තෙන් සහ පන්දුවෙන් නිරන්තරයෙන් වටිනා දායකත්වයක් ලබා දුන් අතර, පටෙල්ගේ කඩුලු 11 අතරට ඇමරිකා එක්සත් ජනපදයට එරෙහිව ලකුණු 16කට කඩුලු 5ක් දවා ගැනීමේ විශිෂ්ට පන්දු යැවීම ද ඇතුළත් විය.

අනුශූර එංගලන්තය විසින් ද ක්‍රීඩකයන් තිදෙනෙකු නියෝජනය කරන අතර, තෝමස් රේව් නායකයා සහ කඩුලු රකින්නා ලෙස නම්කර ඇත.

රේව් ඕස්ට්‍රේලියාවට එරෙහිව අවසන් පූර්ව තරඟයේදී තරඟ ජයග්‍රාහී ශතකයක් ඇතුළුව හරියටම 66ක සාමාන්‍යයකින් ලකුණු 330ක් රැස් කළේය.

තරඟාවලියේ වැඩිම කඩුලු ලාභියා වූ මැනී ලුම්ස්ඩන් සහ ස්කොට්ලන්තයට එරෙහිව ලකුණු 191ක් ඇතුළුව ලකුණු 444ක් ලබා ගනිමින් තරඟාවලියේ වැඩිම ලකුණු ලාභියා වන බෙන් මේයස්, රිව් සමඟ කණ්ඩායමට එක්වෙති.

ශ්‍රී ලංකාවේ විරාන් චමුදිත විසින් දින හතරකට පෙර පිහිටුවා තිබූ ICC U19 පිරිමි ක්‍රිකට් ලෝක කුසලානයක වැඩිම පෞද්ගලික ලකුණු සඳහා වූ වාර්තාව සම කිරීමට මේයස්ට තවත් ලකුණක් අවශ්‍ය විය.

ජපානය සමග තරගයේදී චමුදිතගේ ලකුණු 192 පසුපස හඹා යන අතරතුර ඔහු හතරේ පහර 26ක් සහ හයේ පහරක් එල්ල කළේය.

ඇෆ්ගනිස්ථාන යුගලය වන ෆයිසාල් ඛාන් ෂිනෝසාඩා සහ නූරිස්තානි ඔමාර්සායි යන දෙදෙනාම තෝරාගෙන ඇත්තේ තම රට අවසන් පූර්ව වටයට ගෙන ඒමේදී ප්‍රධාන භූමිකාවන් ඉටු කිරීමෙන් පසුවය.

අයර්ලන්තයට සහ ඉන්දියාවට එරෙහිව අඛණ්ඩව ශතක ලබා ගනිමින් ෆයිසාල් තරඟාවලිය අවසන් කළ අතර, නූරිස්තානි ටැන්සානියාවට එරෙහිව කඩුලු නවයකට කඩුලු පහක් දවා ගනිමින් කඩුලු 14ක් දවා ගත්තේය.

ඕස්ට්‍රේලියානු නායක ඔලිවර් පීක් ද ශතක දෙකක් රැස් කළ අතර, බටහිර ඉන්දීය කොදෙව්වන්ට එරෙහිව සහ පසුගිය තරග හතරේදී එංගලන්තයට එරෙහිව ද ලකුණු 100 ඉක්මවා ලබා ගත්තේය.

පාකිස්ථානයේ අලි රාසා සහ බටහිර ඉන්දීය කොදෙව් කණ්ඩායමේ විටෙල් ලෝස් සමගින් 12 දෙනාගේ සංචිතය සම්පූර්ණ විය.

රාසා ඕවරයකට හතරකට වඩා වැඩි වේගයකින් කඩුලු 13ක් දවා ගත් අතර, ජැමෙයිකානු වමත් දඟ පන්දු යවන ලෝස් ඔහුගේ තරග පහේදී කඩුලු 10ක් දවා ගත්තේය.

ICC U19 පිරිමි ක්‍රිකට් ලෝක කුසලාන 2026 තරඟාවලියේ කණ්ඩායම මෙසේයි;

(1) වෛභව් සූර්යවංශි (ඉන්දියාව)

(2) විරාන් චමුදිත (ශ්‍රී ලංකාව)

(3) ෆයිසාල් ඛාන් ෂිනෝසාඩා (ඇෆ්ගනිස්ථානය)

(4) තෝමස් රේව් [නායක සහ කඩුලු රකින්නා ] (එංගලන්තය)

(5) ඔලිවර් පීක් (ඕස්ට්‍රේලියාව)

(6) බෙන් මේයස් (එංගලන්තය)

(7) කනිෂ්ක් චෞහාන් (ඉන්දියාව)

(8) නූරිස්තානි ඔමාර්සායි (ඇෆ්ගනිස්ථානය)

(9) විටෙල් ලෝස් (බටහිර ඉන්දීය කොදෙව්)

(10) අලි රාසා (පකිස්ථානය)

(11) මැනී ලම්ස්ඩන් (එංගලන්තය)

(12) හෙනිල් පටෙල් (ඉන්දියාව)

තේරීම් මණ්ඩලය සමන්විත වූයේ ඉයන් බිෂොප් , ලිඩියා ග්‍රීන්වේ, ඇන්ඩි ෆ්ලවර්, ටෙල්ෆර්ඩ් වයිස් යන අයගෙනි.