January 20, 2026
ඉන්දියාවට පැමිණි එක්සත් අරාබි එමීර් රාජ්යයේ ජනාධිපති ෂෙයික් මොහොමඩ් බින් සයිඩ් අල් නහියන් පැය තුනක සංචාරයක් සඳහා ඉන්දියාවට පැමිණ තිබේ.
ඉන්දීය මාධ්ය වාර්තා කළේ ඔහුට ඉන්දීය රජයෙන් ඉහළ පිළිගැනීමක් හිමිවූ බවයි.
ජනාධිපතිවරයා පිළිගැනීමට ඉන්දීය අග්රාමාත්ය නරේන්ද්ර මෝදි ගුවන් තොටුපළට පැමිණ සිටීම විශේෂත්වයකි.
එහිදී නායකයින් දෙදෙනාම එකිනෙකා වැළඳ ගන්නා අයුරු දැක්වෙන ඡායාරූප ඉන්දීහ මාධ්ය වාර්තා කර තිබේ.
එක්සත් අරාබි එමීරයේ ජනාධිපතිවරයාගේ පැමිණීම පිළිබඳ X හි සටහනක් පළ කරමින් අගමැති මෝදි පැවසුවේ “මගේ සහෝදරයා පිළිගැනීමට” ගුවන් තොටුපළට ගිය බවයි.
“මගේ සහෝදරයා වන එක්සත් අරාබි එමීර් රාජ්යයේ ජනාධිපති අතිගරු ෂෙයික් මොහොමඩ් බින් සයිඩ් අල් නහියන් පිළිගැනීමට ගුවන් තොටුපළට ගියා. ඔහුගේ සංචාරය ශක්තිමත් ඉන්දියාව-එක්සත් අරාබි එමීර් රාජ්ය මිත්රත්වයකට ඔහු දක්වන වැදගත්කම පෙන්නුම් කරයි. අපගේ සාකච්ඡා බලාපොරොත්තුවෙන් සිටිමු,” අගමැති මෝදි සටහනේ පැවසීය.
නායකයින් දෙදෙනා ගුවන් තොටුපළේ සිට එකම මෝටර් රථයකින් එකට ගමන් කළහ.
මෙම සංචාරය බටහිර ආසියාවේ ආතතීන් උත්සන්න වී ඇති අවස්ථාවක සිදු වන අතර, ඉරාන-ඇමරිකානු සබඳතා බිඳ වැටීම, ගාසා තීරයේ අඛණ්ඩ අස්ථාවරත්වය සහ තවත් කලාපීය අර්බුද කිහිපයක් මධ්යයේ සිදුවේ.
